ભારતને ઔદ્યોગિક સલામતીમાં વૈશ્વિક લીડર બનાવવા ઈન્ડસ્ટ્રીયલ સેફ્ટી એન્ડ હેલ્થ ગુજરાત રાજ્ય-અમદાવાદના સહયોગથી ક્વોલિટી સર્કલ ફોરમ ઓફ ઈન્ડિયા( સુરત – અંકલેશ્વર ચેપ્ટર) દ્વારા ૪/૬/૨૦૨૨ના રોજ સવારે ૯:૦૦ વાગ્યે બારડોલી સ્થિત R. N. G. પટેલ ઈન્સ્ટિટ્યૂટ ઓફ ટેક્નોલોજી, બારડોલી – નવસારી રોડ ખાતે એક દિવસીય ‘નેશનલ સેફ્ટી કન્વેન્શન’ યોજાશે.જેને રાજ્યના શ્રમ અને રોજગાર વિભાગના પ્રિન્સીપલ સેક્રેટરી અંજુ શર્મા ખૂલ્લું મૂકશે.
આ પ્રસંગે સુરત જિલ્લા કલેક્ટર આયુષ ઓક, રાજ્ય સરકારના ઈન્ડસ્ટ્રીયલ સેફ્ટી એન્ડ હેલ્થ વિભાગના ડિરેક્ટર પી.એમ. શાહ, દક્ષિણ ગુજરાત ટેક્ષટાઈલ પ્રોસેસર એસો. – સુરતના પ્રમુખ જીતુભાઈ વખારિયા, વાપી ઈન્ડસ્ટ્રીયલ એસો. ના પ્રમુખ કમલેશ પટેલ, અંકલેશ્વર ઈન્ડસ્ટ્રીયલ એસો. ના પ્રમુખ રમેશ ગાબાણી અને દહેજ ઈન્ડસ્ટ્રીયલ એસો. ના પ્રમુખ એચ.એ. હનિયા, ક્વોલિટી સર્કલ ફોરમ ઓફ ઇન્ડિયા-સુરત ચેપ્ટરના પ્રમુખ એલ.કે. ડુંગરાણી, અંકલેશ્વર ચેપ્ટર ના પ્રમુખ વિજય આશર સહિતના હોદ્દેદારો, ઉદ્યોગકારો ઉપસ્થિત રહેશે. આ નેશનલ કન્વેન્શનમાં ઔદ્યોગિક સલામતી પ્રત્યે ઉદ્યોગકારો જાગૃત્ત બને, કર્મચારીઓની સુરક્ષા જળવાઈ રહે એ માટે પરામર્શ કરવામાં આવશે.બારડોલી સ્થિત R. N. G. પટેલ ઈન્સ્ટિટ્યૂટ ઓફ ટેક્નોલોજી, બારડોલી – નવસારી રોડ ખાતે એક દિવસીય ‘નેશનલ સેફ્ટી કન્વેન્શન’ યોજાશે.
