પોરબંદર સહિત સમગ્ર રાજયમાં ઉનાળાની કાળઝાળ ગરમી પડી રહી છે અને લોકો ઘરની બહાર જવાનું પણ ટાળી રહયાં છે. તેવા સંજોગોમાં અચાનક વાતાવરણે પલટો લીધો છે.આકાશમાં વાદળો છવાવા લાગ્યા છે. અને પવનની ઠંડી લહેરો વાઇ રહી છે. અને આ સાથે જ તાપમાનમાં પણ ઘટાડો થયો છે અને હવામાન ખાતાએ તા.રપ અને ર૬ દરમિયાન ગુજરાતમાં પ્રિ-મોન્સુન એકટીવિટીનો પ્રારંભ થવાનો હોવાની આગાહી કરી છે ત્યારે ચોમાસાને વહેલું આવતું જોઇને ધરતીપુત્રોના હૈયામાં આનંદનાં વાદળો છવાયાં છે.ઉલ્લેખનિય છે કે હવામાન ખાતાએ ગુજરાતનાં વિવિધ ભાગોમાં વરસાદ પડવાની પણ આગાહી કરી છે. આ આગાહી વચ્ચે પોરબંદરનાં આકાશમાં એકા-એક વાદળો છવાવા લાગ્યાં છે અને ઠંડા પવનોની લહેરો પણ આવી રહી છે. આ સાથે જાણે ચોમાસું થોડા જ દિવસો દુર હોય તેવું વાતાવરણ સર્જાઇ રહયું છે. અને તેને લઇને ધરતીપુત્રો પણ વહેલા ચોમાસાની શકયતાઓ વચ્ચે આનંદીત થઇ ઉઠયાં છે. ઉલ્લેખનીય છે કે દેશનાં આસામ, મેઘાલય અને અરૂણાંચલ પ્રદેશમાં હાલમાં સારો એવો વરસાદ પડી રહયો છે. બિહાર જેવા રાજયોમાં પણ સારો એવો વરસાદ પડી રહયો છે. તેના કારણે ગુજરાતમાં વહેલો વરસાદ આવવાની આગાહી ખોટી પડે તેમ માનવાનું કોઇ કારણ નથી ત્યારે તા.રપ અને ર૬થી ચોમાસાનાં મંડાણ થઇ શકે અને વહેલું ચોમાસું શરૂ થઇ જાય તેવી પ્રબળ સંભાવનાઓ વચ્ચે વાવણીની તૈયારી કરીને બેઠેલા ખેડુતો આનંદમાં આવી ગયા છે. બીજી તરફ જેમણે વાવણીની પુરતી તૈયારી કરી નથી તે લોકો વાવણીનાં આયોજનમાં લાગી ગયા છે.
Trending
- હોળી પાર્ટીમાં તમારા લુકને ગ્લેમરસ બનાવો, આ સફેદ ઓર્ગેન્ઝા ગાઉનને સ્ટાઇલ કરો
- વર્ષનું પહેલું સૂર્યગ્રહણ ચૈત્ર અમાવસ્યાના રોજ થશે, જાણો તર્પણ, સૂતક કાળ વગેરે ..
- આ સેડાનમાં ડીઝલ એન્જિનનો વિકલ્પ પણ ઉપલબ્ધ , કંપનીએ જણાવ્યું કે તે ક્યારે લોન્ચ થશે?
- સાપ પકડાઈ જતાં પોતાના શરીરમાંથી આ વસ્તુ કાઢી નાખે છે, જવાબ જાણીને તમને નવાઈ લાગશે
- ૧૮ મહિના પછી કેતુ સિંહ રાશિમાં ગોચર કરશે, આ ૩ રાશિઓ માટે આવશે સારો સમય
- 20 હજારથી ઓછી કિંમતના પાંચ શક્તિશાળી 5G ફોન, OnePlus અને Samsung પણ યાદીમાં
- પાણીમાં સોજી અને ચણાની દાળમાંથી સ્વાદિષ્ટ ટિક્કી બનાવો ,એકદમ ટેસ્ટી અને ચટાકેદાર બનશે
- પરીક્ષામાં હાજરી ન આપી શકે તે માટે ધોરણ ૧૦ ના વિદ્યાર્થીનું અપહરણ, બદમાશોએ તેને રૂમમાં બંધ કરીને માર માર્યો