પાટણ જિલ્લામાં વન વિભાગ દ્વારા પ્રાણીઓની તરસ છીપાવવા દરરોજ 40 હવાડા ભરાય છે

પાટણ જિલ્લામાં વન વિભાગ દ્વારા પ્રાણીઓની તરસ છીપાવવા દરરોજ 40 હવાડા ભરાય છે કાળઝાળ ગરમીમાં ગરમીનો પારો 45 ડીગ્રીએ ધખધખી રહ્યો છે . ત્યારે આ ગરમી પશુ પક્ષીઓ માટે ભારે મુશ્કેલીરૂપ બની રહી છે . પાટણ જિલ્લા વન વિભાગ દ્વારા જંગલ વિસ્તારમાં રહેતા પશુ પક્ષીઓ માટે જિલ્લાના કચ્છના નાના રણ સહિતના જંગલ વિસ્તારમાં અલગ અલગ સ્થળ પર 40 હવાડામાં પાણી ભરવાની કામગીરી ચાલી રહી છે . જિલ્લાના સરહદી તાલુકાઓ સમી , રાધનપુર અને સાંતલપુરનો કેટલોક ભાગ કચ્છના નાના રણમાં આવેલો છે . આ રણ વિસ્તારને સરકાર દ્વારા અભ્યારણ જાહેર કરવામાં આવ્યુ છે . જેથી અહીં વસતા 500 જેટલા નીલગાય , ભુંડ , શિયાળ , સસલા , ઘુડખર ( જંગલી ગધેડા ) , રોઝ , ચિકારા , ઝરખ અને લોમડી જેવા જંગલી પ્રાણીઓ તેમજ વિવિધ પ્રકારના પક્ષીઓનું સંરક્ષણ થઇ શકે . હાલમાં ઉનાળાની સિઝનમાં ગરમીનો પારો ઉચકાઇને 44 થી 45 ડીગ્રીએ પહોંચી જતા મનુષ્યો , પ્રાણીઓ , પક્ષીઓ અને પશુઓ ગરમીથી તોબા પોકારી ઉઠવા છે અને ગરમીથી બચવાના પ્રયાસો કરતા હોય છે ત્યારે ઉનાળાની કાળઝાળ ગરમીમાં સૌથી વધુ જરુરીયાત પાણીની હોય છે