પાટણ શહેર અને સિદ્ધપુર ખાતે અંગદાન મહાદાન જનજાગૃતિ અભિયાન અંતગર્ત આજે શુક્રવારના રોજ સાયકલ સ્પર્ધાનું આયોજન કરાયું હતું. પાટણ શહેરના બગવાડા દરવાજા ખાતેથી ગુજરાત પ્રદેશ ભાજપના પૂર્વ મહામંત્રી કે સી પટેલ, જિલ્લા ભાજપ પ્રમુખ ડો દશરથજી ઠાકોર અનૈ સ્નેહલ પટેલ દ્વારા લીલી ઝંડી આપીને પ્રસ્થાન કરાવ્યું હતું. અંગદાન જાગૃતિ માટે આયોજિત સાયકલ સ્પધૉમાં બાળકો સ્કેટિંગ સાથે અને યુવાનો સાયકલ સાથે ખૂબ મોટી સંખ્યામાં જોડાયા હતા. પાટણમાં યોજાયેલી આ સાયકલ સ્પધૉ શહેરના બગવાડા દરવાજા ખાતેથી પ્રસ્થાન પામી શહેરના વિવિધ વિસ્તારોમાં પરિભ્રમણ કરી શહેરના હાંસાપુર લીંક રોડ પર આવેલા રોટલીયા હનુમાનજી મંદિર ખાતે સંપન્ન થઇ હતી. સાયકલ સ્પર્ધામાં જોડાયેલા તમામ સ્પર્ધકોએ અંગદાન જાગૃતિ માટેના પ્લે કાડૅ સાથે લોકોમાં અંગ દાન જાગૃતિ માટેનો સંદેશો ફેલાવી લોકોને અંગદાન માટે પ્રેરણા પૂરી પાડી હતી. અંગદાન જાગૃતિ માટે આયોજિત આ સાયકલ સ્પર્ધામાં ભાગ લેનારા તમામ સ્પધૅકોની ઉપસ્થિત મહાનુભાવોએ સરાહના કરી અભિનંદન પાઠવ્યા હતા. આ સિવાય આજે ૩ જૂન અને વિશ્વ સાયકલ દિવસ નિમિત્તે સિદ્ધપુર ખાતે પણ “અંગદાન, મહાદાન” જાગૃતિ અભિયાન અંતર્ગત સાયક્લોથોન (સાયકલ યાત્રા)નું આયોજન કરવામાં આવ્યું હતું. આ કાર્યક્રમના અધ્યક્ષ સ્થાને બલવંતસિંહ રાજપૂત પૂર્વ ચેરમેન જીઆઇડીસી ગુ.રા., બી.એમ.સોલંકી ઇન્ચાર્જ કલેક્ટર (ડીડીઓ પાટણ), વિજયભાઈ પટેલ એસ.પી પાટણ, કૃપાબેન આચાર્ય ન.પા. પ્રમુખ સિદ્ધપુર વગેરેએ લીલી ઝંડી આપી સાયકલવીરોને પ્રસ્થાન કરાવ્યું હતું. અંગદાન જાગૃતિ અંગેના આ કાર્યક્રમમાં નાના વિદ્યાર્થીઓથી શરૂ કરી સિનિયર સિટીઝન સુધીના 700 ઉપરાંત સાયકલવીરો જોડાયા હતા. આ પ્રસંગે કનકસિંહ ગોહીલ મામલતદાર સિદ્ધપુર, તાલુકા વિકાસ અધિકારી ચૌધરી, રાજેન્દ્રભાઈ માધુ, પ્રમુખ રોટરી ક્લબ સિદ્ધપુર, વિક્રમસિંહ ઠાકોર વગેરે મહાનુભાવોની વિશેષ ઉપસ્થિતિ રહી હતી. ગોકુલ ફાઉન્ડેશન, સિદ્ધપુર નગર પાલિકા, સિદ્ધપુર પોલીસ, સિદ્ધપુર આરોગ્ય વિભાગ, સિદ્ધપુર એ.પી.એમ.સી, ઈન્ડિયન મેડિકલ એસોસિયેશન સિદ્ધપુર, યોગાંજલિ કેળવણી મંડળ, સહિત સિદ્ધપુર નગર અને તાલુકાની વિવિધ પ્રતિષ્ઠિત સંસ્થાઓ અંગદાન મહાદાન અભિયાનના આ કાર્યક્રમને સહયોગ કર્યો હતો.
Trending
- હોળી પાર્ટીમાં તમારા લુકને ગ્લેમરસ બનાવો, આ સફેદ ઓર્ગેન્ઝા ગાઉનને સ્ટાઇલ કરો
- વર્ષનું પહેલું સૂર્યગ્રહણ ચૈત્ર અમાવસ્યાના રોજ થશે, જાણો તર્પણ, સૂતક કાળ વગેરે ..
- આ સેડાનમાં ડીઝલ એન્જિનનો વિકલ્પ પણ ઉપલબ્ધ , કંપનીએ જણાવ્યું કે તે ક્યારે લોન્ચ થશે?
- સાપ પકડાઈ જતાં પોતાના શરીરમાંથી આ વસ્તુ કાઢી નાખે છે, જવાબ જાણીને તમને નવાઈ લાગશે
- ૧૮ મહિના પછી કેતુ સિંહ રાશિમાં ગોચર કરશે, આ ૩ રાશિઓ માટે આવશે સારો સમય
- 20 હજારથી ઓછી કિંમતના પાંચ શક્તિશાળી 5G ફોન, OnePlus અને Samsung પણ યાદીમાં
- પાણીમાં સોજી અને ચણાની દાળમાંથી સ્વાદિષ્ટ ટિક્કી બનાવો ,એકદમ ટેસ્ટી અને ચટાકેદાર બનશે
- પરીક્ષામાં હાજરી ન આપી શકે તે માટે ધોરણ ૧૦ ના વિદ્યાર્થીનું અપહરણ, બદમાશોએ તેને રૂમમાં બંધ કરીને માર માર્યો