Shantishram News, Diyodar, Gujarat.
દીઓદર નગરે શ્રી શાંતિનાથ જીનાલયની ર૪ મી ધ્વજારોહણ પ્રસંગ પૂજ્ય આચાર્યશ્રી જગ્ગ ચંદ્ર સૂરીશ્વરજી મહારાજ સાહેબના શિષ્ય રત્ન પૂજ્ય મુનિ શ્રી વિશ્વ ચંદ્ર વિજયજી મહારાજ સાહેબ આદિ ઠાણાની પાવન નિશ્રામાં ત્રિ-દિવસીય મહોત્સવ તારીખ ૧૯, ર૦, ર૧ ના રોજ ઉજવાઈ રહ્યો છે
શ્રી દિયોદર શ્વેતાંબર મૂર્તિપૂજક જૈન સંઘના આંગણે દિયોદર ગામ માં ઢાળ પર આવેલ દિયોદર નગરશેઠ મહેતા ડોસજીભાઈ હેમજીભાઈ પરિવાર દ્વારા સ્વદ્રવ્ય નિર્મિત શ્રી કલ્પદ્રુમ શાંતીનાથ જિનાલય પાંચમી સાલગીરી મહોત્સવ પરમ પૂજ્ય આચાર્ય શ્રીમદ્ વિજય જગ્ગ ચંદ્ર સૂરીશ્વરજી મહારાજ સાહેબ ના શિષ્ય પૂજ્ય મુની શ્રી વિશ્વ ચંદ્ર વિજયજી મહારાજ સાહેબ આદી ઠાણાની પાવન નિશ્રામાં આનંદપૂર્વક ઊજવાયો.
આ પ્રસંગે સવારે ૮:૩૦ કલાકે દીઓદર નગરશેઠ પરિવારજનો તથા સકળસંઘ સાથે પરમાત્માના ૧૮ અભિષેક યોજાયેલ ત્યારબાદ ૯:૩૦ કલાકે વાગે શ્રી સંઘ ની હાજરીમાં શ્રી કલ્પદ્રુમ શાંતિનાથ જીનાલયની ધ્વજારોહણ થયેલ. પૂજ્ય ગુરૂ ભગવંતે વિધિ વિધાન કરાવેલ.
મહેતા ડોહજીભાઈ હેમજીભાઈ નગરશેઠ પરિવાર દ્વારા રંગેચંગે સકળસંઘની ઉપસ્થિતિમાં જયઘોષ સાથે ધ્વજારોહણ કરી ધન્યતા અનુભવેલ. આ પરિવારજનોમાં ભારે ઉત્સાહ દેખાઈ રહ્યો હતો. બાદમાં પૂજ્યશ્રીએ શાંતિનો પાઠ કરાવેલ. રૂપિયા ૧૦ નું સંઘ પૂજન થયેલ.
બપોરે સ્વામીવાત્સલ્ય યોજાયેલ. જેનો લાભ આ પરિવારે લીધેલ છે.
બપોરે શાંતિનાથ જીનાલયે અભિષેક યોજાયેલ. રાત્રે સંધ્યાભક્તિની રમઝટ જામશે.
તા.ર૧ ના રોજ શ્રી શાંતિનાથ જીનાલયે ધ્વજારોહણ થશે.
આ પ્રસંગે મહેતા પરિવારના મહેન્દ્રભાઈ કાંતિલાલ, સંજયભાઈ, સુરત જૈન મહા સંઘના પ્રમુખ તુષારભાઈ મહેતા, અક્ષયભાઈ તથા નિલેષભાઈ, રાકેશભાઈ, વિપુલભાઈ, રાજેશભાઈ, પ્રફુલભાઈ, ચેતનભાઈ, તેમજ ભદ્રેશભાઈ, અજિતભાઈ, ભરતભાઈ, કમલેશભાઈ તથા દીઓદર જૈનસંઘના ટ્રસ્ટી હસમુખભાઈ, ગુણવંતભાઈ, આદિ પરિવારજનો તથા સકળ સંઘ ઉપસ્થિત રહેલ.
અત્રે ઉલ્લેખનીય છે કે આ જિનાલયનો પ્રતિષ્ઠા તારીખ ૮ મે ૨૦૧૭ ના રોજ ડહેલાના સમુદાયના વડીલનાયક પૂજ્ય આચાર્ય શ્રી યશોભદ્ર સુરીશ્વરજી મહારાજ સાહેબ, પૂજ્ય આચાર્ય શ્રી જગ્ગ ચંદ્ર સુરીશ્વરજી મહારાજ સાહેબ, પૂજ્ય આચાર્ય શ્રી રત્નચંદ્ર સુરીશ્વરજી મહારાજ સાહેબ, પૂજ્ય આચાર્ય શ્રી પીયુષભદ્ર સુરીશ્વરજી મહારાજ સાહેબ આદી ઠાણા ની નિશ્રામાં ધામધુમપુર્વક નવાન્હિકા મહોત્સવ સહ યોજાયેલ.આ પ્રસંગે સૌએ મહોત્સવ ને યાદ કરી અનુમોદના કરેલ.
