રાજ્યના ફીસરીજ વિભાગ દ્વારા ચોમાસાને લઈને માછીમારી પર પ્રતિબંધ મૂકવામાં આવ્યો હોવા છતાં પણ અમુક માછીમારો દ્વારા આ જાહેરનામાનો ભંગ કરી દરિયામાં માછીમારી કરવા ગયા હતા જેને લઈને ઓખા મરીન પોલીસે પેટ્રોલિંગ હાથ ધરી પાંચ માછીમારો સામે કાયદેસરની કાર્યવાહી કરી છે. પકડાઈ ગયેલા તમામ માછીમારો સામે ફરિયાદ નોંધ કરવામાં આવી છે. દર વર્ષે જુલાઈ માસના શરૂઆતના ગાળાથી જ અરબી સમુદ્રના દરિયામાં માછીમારી ન કરવા બાબતે ફીસરીજ વિભાગ દ્વારા જાહેરનામું બહાર પાડવામાં આવે છે કારણ કે જુલાઈ માસ દરમિયાન અરબી સમુદ્રમાં વધારે પડતો કરંટ હોવાથી પવનની ગતિ અને મોજાઓને ઉછાડમાં નોંધપાત્ર વધારો થાય છે, જેના કારણે દુર્ઘટના ન ઘટે તે અર્થે તંત્ર દ્વારા માછીમારી પર પ્રતિબંધ મૂકવામાં આવે છે. આ વર્ષે પણ પ્રતિબંધ મૂકવામાં આવ્યો છે છતાં પણ અમુક માછીમારો નિયમનો ભંગ કરી માછીમારી કરવા જતા હોવાની ઓખા મરણ પોલીસને હકીકત મળી હતી જેને લઈને ઓખા મરીન પોલીસ દફતર દ્વારા આ દિશામાં કાર્યવાહી કરવામાં આવી હતી. ઓખા બંદરથી પાંચ નોટિકલ મેલ દૂર સમીયાણી ટાપુ તરફ જતા દરિયામાં માછી મારી કરી રહેલ મિલનભાઈ બચુભાઈ ઢાયાણી, ગીર સોમનાથ જિલ્લાના પાલડી ગામના બચુભાઈ નારણભાઈ સોલંકી, ડાયાભાઈ ઉકાભાઇ સોલંકી, વલસાડ જિલ્લાના હિંગળાજ ગામના પ્રકાશભાઈ હસમુખભાઈ ટંડેલ, વલસાડ જિલ્લાના અમર ફળિયુ ગામના જતીનભાઈ દિલીપભાઈ પટેલ નામના શખ્સો આબાદ પકડાઈ ગયા હતા મોનસુન સિઝનના કારણે દરિયામાં માછીમારી કરવા પર પ્રતિબંધ હોવા છતાં આ શખ્સોએ ફીસરીઝ તંત્રની પરવાનગી કે ટોકન મેળવ્યુ ન હોવાનું સામે આવ્યું હતું, જેને લઈને આ તમામ શખ્સો સામે આઇપીસી કલમ 188 તથા ફિસરીઝ એક્ટ મુજબ કાર્યવાહી કરવામાં આવી હતી.
Trending
- NCP અજિત પવાર જૂથને મોટો ફટકો, દિગ્ગજ નેતાના ભત્રીજાએ આપ્યું રાજીનામું
- અમદાવાદ નગરપાલિકાની એક મોટી પહેલ, રખડતા અને પાળેલા કૂતરાઓને ઓળખવા માટે RFID ચિપ ઇન્સ્ટોલ કરશે
- મહારાષ્ટ્ર નવનિર્માણ સેનાએ જાહેર કરી ત્રીજી યાદી, જાણો કોને ક્યાંથી મળી ટિકિટ
- મહારાષ્ટ્ર NDAમાં તિરાડ, સીટ વહેંચણીથી નારાજ અજિત પવાર
- દિલ્હી-ગુરુગ્રામમાં ટ્રાફિક જામ નહીં થાય, ગડકરીએ કરોડોના પ્રોજેક્ટને મંજૂરી આપી
- રોકાણ કરતા પહેલા આ મહત્વપૂર્ણ બાબતોનું ધ્યાન રાખો, નહીં તો થઈ શકે છે નુકસાન
- 4.4 કિલો સોનું, 5.63 કરોડનું ઘર, જાણો પ્રિયંકા ગાંધીએ એફિડેવિટમાં શું કર્યો ખુલાસો?
- રાજસ્થાન પેટાચૂંટણી માટે કોંગ્રેસે જાહેર કરી યાદી, જાણો કોને ક્યાંથી મળી ટિકિટ?