અમદાવાદ : IPL મેચ માટે AMTS અને BRTS દ્વારા વધારાની બસો દોડાવાશે 

અમદાવાદમાં IPLની બે મહત્વની મેચ શહેરના મોટેરા સ્થિત નરેન્દ્ર મોદી સ્ટેડિયમમાં રમાનાર હોય તેને લઈને ક્રિકેટ રસિકોમાં ભારે ઉત્સાહ જોવા મળી રહ્યો છે. આઇપીએલની આ બને મેચ ખુબ જ મહત્વની હોય તેના લીધે AMTS અને BRTS દ્વાર ક્રિકેટ પ્રેમી માટે મહત્વનો નિર્ણય કરીને વધારાની બસો દોડવામાં આવશે.અમદાવાદમાં આજે અને 29મી તારીખે રમાનારી આઇપીએલ 2022ની ફાઇનલ મેચ માટે AMTSની 116 બસ 19 રૂટ પર દોડાવશે. આ બસો બપોરના 3 વાગ્યાથી રાત્રીના 1:30 વાગ્યા સુધી દોડાવવામાં આવશે. આઇપીએલની મેચના 27 અને 29 મેં ના રોજ AMTS અને BRTSની બેસી વિવિધ રૂટો પર દોડાવાશે. AMTSની 54 બસ મુકવામાં આવી છે સ્પેશિયલ રૂટ પર 12 બસ મુકવામાં આવી છે BRTS દ્વારા નારોલથી ઝુંડાલ સર્કલ માટે 26 બસ, એલ.ડી. કોલજથી ઝુંડાલ સર્કલ સુધી 24 બસ મુકવામાં આવી છે.ઇસ્કોન સર્કલથી વિસત સર્કલ સુધી 6 બસ મુકવામાં આવી છે જેમાં સાબરમતી પોલીસ સ્ટેશનથી નરોલ, સાબરમતી પોલીસ સ્ટેશનથી ઇસ્કોન ક્રોસ રોડ અને સાબરમતી પોલીસ સ્ટેશનથી આર.ટી.ઓ. સર્કલ રૂટનો સમાવેશ થાય છે. BRTS દ્વાર આજે કુલ 56 બસ અને 29ના રોજ ફાઇનલ માટે 71 બસો દોડવામાં આવશે. આજે અને રવિવારે બે મેચ મોટેરા સ્થિત નરેદ્ર મોદી સ્ટેડિયમમાં હોવાથી બોપોરના 3 વાગ્યાથી રાત્રીના 1:30 વાગ્યા સુધી વધારાની બસો દોડાવવામાં આવશે.