તેલુગુ સિનેમાના દિગ્ગજ અભિનેતા ચંદ્ર મોહને આજે 82 વર્ષની વયે આ દુનિયાને અલવિદા કહી દીધું. હૈદરાબાદ એપોલો હોસ્પિટલમાં સવારે 9.45 વાગ્યે કાર્ડિયાક અરેસ્ટને કારણે તેમનું નિધન થયું હતું. ચંદ્રમોહનને હાર્ટ એટેકના કારણે અપોલો હોસ્પિટલમાં દાખલ કરવામાં આવ્યા હતા. તેમના પરિવારમાં તેમની પત્ની જલંધરા અને બે પુત્રીઓ છે. સોમવારે હૈદરાબાદમાં અંતિમ સંસ્કાર થશે.
જુનિયા એનટીઆરએ દુઃખ વ્યક્ત કર્યું
ચંદ્ર મોહનના નિધનના સમાચારથી ઈન્ડસ્ટ્રી શોકમાં છે. દક્ષિણના સુપરસ્ટાર જુનિયર એનટીઆરએ પણ ચંદ્ર મોહનના નિધન પર પ્રતિક્રિયા આપી હતી. પોસ્ટ શેર કરતી વખતે તેણે લખ્યું, “ઘણા દાયકાઓ સુધી ફિલ્મોમાં અલગ-અલગ ભૂમિકા ભજવીને પોતાની ખાસ ઓળખ બનાવનાર ચંદ્રમોહન ગરુનું અકાળ અવસાન જોઈને ખૂબ જ દુઃખ થયું. તેમના પરિવાર પ્રત્યે મારી ઊંડી સંવેદના અને તેમની આત્માને શાંતિ મળે.
ઇન્ડસ્ટ્રીને ઘણી હિટ ફિલ્મો આપી
ચંદ્ર મોહન મુખ્યત્વે તેલુગુ ફિલ્મોમાં કામ કરવા માટે જાણીતા છે. તેણે એક ફિલ્મફેર સાઉથ એવોર્ડ અને બે નંદી એવોર્ડ જીત્યા છે. ‘રંગુલા રત્નમ’ જેવી બોક્સ ઓફિસ હિટ ફિલ્મોમાં તેમના અભિનય માટે તેમને ટીકાકારોની પ્રશંસા મળી હતી. એમજીઆર સાથેની તેની પ્રથમ તમિલ ફિલ્મ ‘નલાઈ નમધે’ હતી. તેણે દક્ષિણના ઘણા દિગ્ગજ સ્ટાર્સ સાથે કામ કર્યું હતું.
