છેલ્લે ‘ભોલા’ ફિલ્મમાં જોવા મળેલા અજય દેવગન પાસે હાલમાં ઘણા પ્રોજેક્ટ છે. જેમાં ‘સિંઘમ અગેન’થી લઈને ‘રેઈડ 2’નો સમાવેશ થાય છે. હવે તેની આગામી ફિલ્મ ‘શૈતાન’ નું પહેલું પોસ્ટર રિલીઝ કરવામાં આવ્યું છે, જે આશ્ચર્યજનક છે. તેને જોતા લાગે છે કે ફિલ્મની વાર્તા કાળા જાદુની આસપાસ આધારિત હશે. અજયની સાથે આર માધવન અને જ્યોતિકા પણ હશે.
‘શૈતાન મૂવી’નું પોસ્ટર શેર કરતી વખતે અજય દેવગણે કહ્યું છે કે આ ફિલ્મ 8 માર્ચ, 2024ના રોજ સિનેમાઘરોમાં રિલીઝ થશે. આ પોસ્ટમાં તેણે આર માધવન, જ્યોતિકા, જાનકી બોડીવાલા અને અન્યને ટેગ કર્યા છે.
વાર્તા મેલીવિદ્યાની આસપાસ આધારિત હશે!
પોસ્ટરની વાત કરીએ તો તેમાં વૂડૂ ડોલ્સ છે જેનો ઉપયોગ મેલીવિદ્યા માટે કરવામાં આવે છે. આ ફિલ્મ જિયો સ્ટુડિયો, દેવગન ફિલ્મ્સ અને પેનોરમા સ્ટુડિયો દ્વારા સંયુક્ત રીતે રજૂ કરવામાં આવી છે. દિગ્દર્શક વિકાસ બહલ છે.
અજય દેવગનની આગામી ફિલ્મો
આ વર્ષે અજયની ઘણી ફિલ્મો રિલીઝ થવાની છે. આમાં ‘સિંઘમ અગેન’ છે, જેમાં દીપિકા પાદુકોણ, રણવીર સિંહ જેવા સ્ટાર્સ હશે. તેની પાસે ‘ઓરો મેં કહાં દમ થા’ અને ‘રેઈડ 2’ પણ છે. આ વખતે ‘રેઈડ 2’માં ઈલિયાના ડીક્રુઝની જગ્યાએ વાણી કપૂર જોવા મળશે.
