બોલિવૂડ અભિનેત્રી અનુષ્કા શર્મા આજે 33 વર્ષની થઈ ગઈ છે.
અનુષ્કાનો જન્મ 1 મે 1988 ના રોજ અયોધ્યા (ઉત્તર પ્રદેશ) માં થયો હતો.
તેના પિતા કર્નલ અજયકુમાર શર્મા નિવૃત્ત સૈન્ય અધિકારી છે અને માતા અશિમા શર્મા ગૃહિણી છે.
અનુષ્કાને કર્નેશ નામનો મોટો ભાઈ છે. અનુષ્કાએ સ્કૂલનું શિક્ષણ આર્મી સ્કૂલથી પૂરું કર્યું હતું અને માઉન્ટ કાર્મેલ કોલેજ (બેંગ્લોર )માંથી સ્નાતક થઈ હતી.
ભણતર પૂરું થયા પછી અનુષ્કા મુંબઇ આવી અને અહીં મોડેલિંગ શરૂ કરી. 2007 માં, તેને મોડેલિંગથી પ્રથમ કામ મળ્યું.
એ વખતે તે લેક્મે ફેશન વીકમાં વેન્ડેલ રોડ્રિગ્સ માટે મોડેલિંગ કરી રહી હતી. તેણે 2008 માં આદિત્ય ચોપડાની રબ ને બના દી જોડીથી બોલિવૂડમાં પ્રવેશ કર્યો હતો.
પહેલી જ ફિલ્મમાં તેને શાહરૂખ ખાન સાથે કામ કરવાની તક મળી હતી. આ ફિલ્મ સુપરહિટ બની હતી અને અનુષ્કાએ એ પછી ક્યારેય પાછળ વળી જોયું નહીં.
તેણે ‘બેન્ડ બાજા બારાત’, ‘જબ તક હૈ જાન’ અને ‘પીકે’ જેવી ઘણી હિટ ફિલ્મોમાં કામ કર્યું છે. તે ફિલ્મ ‘એનએચ 10’ દ્વારા નિર્માતા પણ બની છે. તેની છેલ્લી ફિલ્મ ઝીરો હતી. આ ફિલ્મ 2018 માં રિલીઝ થઈ હતી.
બોલીવુડમાં પ્રવેશ પછી અનુષ્કાનું નામ ‘બેન્ડ બાજા બારાત’માં તેની સહ-અભિનેતા રણવીર સિંહ સાથે જોડવામાં આવ્યું હતું, પરંતુ બંને જલ્દીથી અલગ થઈ ગયા.
આ પછી અનુષ્કા ચર્ચામાં આવી ગઈ હતી કારણ કે તે ભારતીય ક્રિકેટર વિરાટ કોહલીને ડેટ કરી રહી હતી. 2017 માં, કપલે ઇટાલીના ટસ્કનીમાં ગુપ્ત રીતે લગ્ન કર્યાં.
તેઓએ અચાનક લગ્ન કરી લીધાં અને બધાને આશ્ચર્યચકિત કર્યા. વિરાટે કહ્યું હતું કે અનુષ્કાએ આખા લગ્નની યોજના બનાવી હતી અને લગ્નને ગુપ્ત રાખવા નકલી આઈડી અને નામોનો ઉપયોગ કર્યો હતો.
એક મુલાકાતમાં વિરાટે કહ્યું હતું કે અનુષ્કા સાથે તેની પહેલી મુલાકાત એક જાહેરાતના શૂટિંગ દરમિયાન થઈ હતી.
અનુષ્કાને મળતા પહેલા વિરાટ ખૂબ ડરી ગયો હતો. જ્યારે અનુષ્કા તેની સામે આવી ત્યારે તે તેને જોઈ સ્તબ્ધ થઈ ગયો હતો.
અનુષ્કાની હાઇટ ઊંચી, આ જોઈને.. તમને આના કરતા ઊંચી હિલ્સ ના મળી? વિરાટે આવી ટિપ્પણી કરી હતી.
આ સાંભળીને અનુષ્કા ગુસ્સે થઈ ગઈ અને વિરાટને કહ્યું, એકસ્ક્યુઝ મી? ત્યારે વિરાટને તેની ભૂલનો અહેસાસ થયો. તેને સમજાયું કે તેણે તેની મજાક કરીને ભૂલ કરી છે.
બંનેની પહેલી મુલાકાત કંઈ ખાસ ન હતી, ત્યારબાદ અનુષ્કાએ વિરાટને તેના નવા ઘરેલુ પૂજા પ્રસંગ માટે આમંત્રણ આપ્યું હતું. અહીંથી જ બંનેની મિત્રતા શરૂ થઈ જે ધીરે ધીરે પ્રેમમાં ફેરવાઈ.
આ બંને આ વર્ષે એક સુંદર છોકરીના માતાપિતા બન્યા છે. જેનું નામ વામિકા રાખવામાં આવ્યું છે.
