BYJU: આર્થિક સંકટનો સામનો કરી રહેલી એજ્યુટેક કંપની બાયજુને મોટો ઝટકો લાગ્યો છે. સુપ્રીમ કોર્ટે બીસીસીઆઈ સાથે બાયજુના રૂ. 158.9 કરોડના લેણાંની પતાવટને મંજૂરી આપતા ઇન્સોલ્વન્સી એપેલેટ ટ્રિબ્યુનલના આદેશ પર રોક લગાવી દીધી છે.
ભારતના ચીફ જસ્ટિસ ડીવાય ચંદ્રચુડ, જસ્ટિસ જેબી પારડીવાલા અને જસ્ટિસ મનોજ મિશ્રાની બેંચે બાયજુ સામે નાદારીની કાર્યવાહીને રદ કરતા નેશનલ કંપની લૉ એપેલેટ ટ્રિબ્યુનલ (NCLAT)ના આદેશ પર સ્ટે આપ્યો હતો. આ સાથે NCLATના નિર્ણય વિરુદ્ધ અમેરિકન ધિરાણકર્તા ગ્લાસ ટ્રસ્ટ કંપનીની અરજી પર કોર્ટે બાયજુને નોટિસ જારી કરી છે. આ સાથે કોર્ટે બીસીસીઆઈને બાયજુ પાસેથી કરાર હેઠળ મળેલા 158.9 કરોડ રૂપિયા અલગ ખાતામાં રાખવાનો નિર્દેશ આપ્યો છે.
2 ઓગસ્ટના રોજ, NCLAT એ BCCI સાથે બાયજુના રૂ. 158.9 કરોડના બાકી સેટલમેન્ટને મંજૂરી આપી હતી. ઓથોરિટીએ બાયજુ સામેની નાદારીની કાર્યવાહીને પણ રદ કરી દીધી હતી, જેના કારણે બાયજુ રવિન્દ્રન ફરી એકવાર કંપની પર નિયંત્રણ સ્થાપિત કરે તેવી શક્યતાઓ ઊભી થઈ હતી.
કેવિયેટ દાખલ કરવામાં આવી છે
તાજેતરમાં બાયજુ રવીન્દ્રને ઇન્સોલ્વન્સી એપેલેટ ટ્રિબ્યુનલ ‘NCLAT’ દ્વારા પસાર કરાયેલા આદેશના વિરોધમાં ગ્લાસ ટ્રસ્ટ કંપની LLC સામે સુપ્રીમ કોર્ટમાં કેવિયેટ દાખલ કરી છે. આ કેવિયેટ 3 ઓગસ્ટના રોજ સુપ્રીમ કોર્ટ માં દાખલ કરવામાં આવી હતી. એવી વિનંતી કરવામાં આવી છે કે અમેરિકન ધિરાણકર્તાઓ દ્વારા દાખલ કરવામાં આવેલી અરજી પર કોર્ટ કોઈ આદેશ પસાર કરે તે પહેલાં, તેમની બાજુ પણ સાંભળવામાં આવે. ‘કેવિએટ’ અરજી એક અરજદાર દ્વારા દાખલ કરવામાં આવે છે તેની ખાતરી કરવા માટે કે તેમની બાજુ સાંભળ્યા વિના તેમની વિરુદ્ધ કોઈ આદેશ પસાર ન થાય.
અમેરિકન કોર્ટે આ નિર્ણય સંભળાવ્યો હતો
અગાઉ, બાયજુએ કહ્યું હતું કે યુએસ કોર્ટે બીસીસીઆઈ સાથેના કરાર પર કામચલાઉ સ્ટે મૂકવાની GLAS ટ્રસ્ટ કંપનીની અરજીને ફગાવી દીધી છે. GLAS એ NCLAT સમક્ષ BCCI સાથેના કરારનો પણ વિરોધ કર્યો હતો અને આરોપ મૂક્યો હતો કે રિજુ રવિેન્દ્રન દ્વારા ચૂકવવામાં આવેલી રકમ ‘રાઉન્ડ-ટ્રિપિંગ’નો મામલો છે.
આ પણ વાંચો – GST : વીમા પ્રીમિયમ પર GST ઘટાડવાનો નિર્ણય સપ્ટેમ્બરમાં શક્ય છે
