દેશની પ્રતિષ્ઠિત કાયદાની યુનિવર્સિટીઓમાં પ્રવેશ માટેની કોમન લો એડમિશન ટેસ્ટ (CLAT 2023)નું પરિણામ જાહેર કરવામાં આવ્યું છે. consortiumofnlus.ac.in પર જઈને પરિણામો ચકાસી શકાય છે. અંડરગ્રેજ્યુએટ (UG) અને અનુસ્નાતક (PG) કાર્યક્રમોમાં પ્રવેશ માટે CLAT 2025 પરીક્ષા 1 ડિસેમ્બર, 2024 ના રોજ લેવામાં આવી હતી. આ પરીક્ષા દ્વારા, દેશની 22 નેશનલ લો યુનિવર્સિટી (NLUs) માં પ્રવેશ ઉપલબ્ધ છે. NLU માં, LLBની લગભગ 2800 બેઠકો અને LLMની લગભગ 850 બેઠકો પર પ્રવેશ ફક્ત CLAT સ્કોરના આધારે કરવામાં આવે છે. કાઉન્સેલિંગ અને સીટ એલોટમેન્ટની પ્રક્રિયા ટૂંક સમયમાં શરૂ થશે. 5 વર્ષના યુજી કોર્સમાં પ્રવેશ માટે 58 વિદ્યાર્થીઓએ 99 થી વધુ પર્સેન્ટાઈલ મેળવ્યા છે. હરિયાણાના એક વિદ્યાર્થીએ CLAT UG પરીક્ષા 2025 માં 99.997 પર્સન્ટાઇલ સાથે સૌથી વધુ સ્કોર મેળવ્યો છે, જ્યારે બીજા સ્થાને મધ્ય પ્રદેશનો વિદ્યાર્થી છે જેણે 99.995 પર્સન્ટાઇલ મેળવ્યા છે. ઓડિશાના એક વિદ્યાર્થીએ CLAT PG 2025માં 99.993 ટકા માર્ક્સ મેળવીને ટોપ કર્યું છે.
સત્તાવાર વેબસાઇટ અનુસાર, 96.33 ટકા વિદ્યાર્થીઓએ CLAT 2025ની પરીક્ષા આપી હતી. પરીક્ષામાં હાજર રહેલા ઉમેદવારોમાં 57 ટકા મહિલાઓ, 43 ટકા પુરૂષો અને 9 ઉમેદવારો ટ્રાન્સજેન્ડર છે.
આ રીતે પરિણામ તપાસો
સ્ટેપ 1: સત્તાવાર વેબસાઇટ consortiumofnlus.ac.in ની મુલાકાત લો.
સ્ટેપ 2: મોબાઈલ નંબર અને પાસવર્ડની મદદથી લોગ ઈન કરો.
સ્ટેપ 3: તમારું CLAT 2025 સ્કોરકાર્ડ સ્ક્રીન પર દેખાશે.
સ્ટેપ 4: પરિણામ તપાસો અને તેને તમારી સાથે ડાઉનલોડ કરો.
સ્ટેપ 5: તમારા પરિણામની પ્રિન્ટ આઉટ પણ લો.
