MG Motor India: MG મોટર ઇન્ડિયાએ તાજેતરમાં સ્થાનિક અને આંતરરાષ્ટ્રીય બજારોમાં તેના પોર્ટફોલિયોને વિસ્તારવા JSW ગ્રૂપ સાથે તેની ભાગીદારીની જાહેરાત કરી છે. કાર નિર્માતા દ્વારા 2024 MG Astor ની રજૂઆત બાદ ઘણા નવા મોડલ પણ આવશે. આવો, તેમના વિશે જાણીએ.
MG Astor facelift
MG Astor ફેસલિફ્ટની કેટલીક પેટન્ટ તસવીરો તાજેતરમાં જાહેર કરવામાં આવી હતી. 2025માં MG Astorની ડિઝાઇનમાં મોટા ફેરફારો થવાની શક્યતા છે. ZS EV ના સિલુએટને જાળવી રાખીને એસ્ટર ફેસલિફ્ટને નવો ફ્રન્ટ ફેસિયા મળવાની અપેક્ષા છે.
વધુમાં, એસયુવીને તેના હાલના મોડલની સરખામણીમાં નવી રિયર પ્રોફાઇલ મળવાની અપેક્ષા છે. સુવિધાઓના સંદર્ભમાં, અમે અપેક્ષા રાખી શકીએ છીએ કે આગામી એસ્ટર ઘણી નવી અદ્યતન સુવિધાઓથી સજ્જ હશે.
MG Gloster facelift
MG Gloster, જે તાજેતરમાં ભારતીય રસ્તાઓ પર પરીક્ષણ કરતી જોવા મળી હતી, તેમાં પણ ટૂંક સમયમાં નવા ફેરફારો જોવા મળશે. તે આગામી મહિનાઓમાં લોન્ચ થવાની ધારણા છે. ગ્લોસ્ટર ફેસલિફ્ટમાં નવા એલોય વ્હીલ્સ સાથે નવી ફ્રન્ટ ડિઝાઇન, અપડેટેડ હેડલેમ્પ્સ અને ટેલ-લેમ્પ્સ મળવાની અપેક્ષા છે.
આ સિવાય નવી કલર સ્કીમ અને એસયુવીના ઈન્ટિરિયરની ડિઝાઈનમાં કેટલાક ફેરફારની શક્યતા છે. MG ગ્લોસ્ટર ફેસલિફ્ટ હાલના 2.0-લિટર ટર્બો-ડીઝલ અને 2.0-લિટર ટ્વીન-ટર્બો ડીઝલ એન્જિન વિકલ્પો સાથે ચાલુ રહેવાની અપેક્ષા છે.
MG Cloud EV
ભારતીય રસ્તાઓ પર સ્પોટ ટેસ્ટિંગ પછી, MG Cloud EV ભારતીય કાર માર્કેટમાં પ્રવેશવાની શક્યતા વધી ગઈ છે. MG Cloud EV ની ડિઝાઇન પેટન્ટ પણ તાજેતરમાં ઓનલાઈન સામે આવી છે. તે 2024ના અંતમાં લોન્ચ થવાની ધારણા છે અને Cloud EV ભારતમાં બ્રાન્ડની ત્રીજી ઇલેક્ટ્રિક કાર હશે.
