આ વર્ષે અષાઢી બીજાના દિવસે ભગવાન જગન્નાથ, બલરામ અને બહેન સુભદ્રાને મહારાષ્ટ્રિયન રજવાડી સ્ટાઇલના વાઘા અર્પણ કરવામાં આવશે. આ રથયાત્રામાં ભગવાનના વાઘા માટે સફેદ અને વાદળી કલરનો ઉપયોગ કરવામાં આવશે. ભગવાનના વાઘાનો ઓર્ડર પણ આપી દેવામાં આવ્યો છે. ગત વર્ષે કોરોના મહામારીને કારણે ઇતિહાસમાં પહેલી વાર rathyatra 2021 રથયાત્રા મંદિરના બહારના પરિસરમાં ફરી હતી. ગુજરાતની શાન ગણાતી bhagwan jagannath ની રથયાત્રા પરંપરાગત રીતે અમદાવાદમાં દર વર્ષે અષાઢ સુદ બીજના દિવસે નીકળે છે. હિન્દુ ધર્મનું પ્રતિક ગણાતી આ રથયાત્રામાં ભગવાન જગન્નાથ, બલરામ અને બહેન સુભદ્રા રથમાં નગરયાત્રા કરવા નીકળે છે. આ રથ યાત્રા પહેલા જળયાત્રા નીકળે છે.આ વર્ષે ભગવાન જગન્નાથજીની 144 મી રથયાત્રા છે. જોકે રથયાત્રા નીકળશે કે નહીં તેને લઈને કોઈ નિર્ણય હજુ સુધી લેવાયો નથી. પણ Gujarat Government દ્વારા રથયાત્રાના પ્રથમ ચરણ એવી જળયાત્રા કાઢવા માટે મંજૂરી અપાઈ છે. જે જળયાત્રા પ્રોટોકોલ સાથે નીકળવામાં આવશે. જે જળયાત્રા નીકળવાનો લઈને જગન્નાથ મંદિરમાં તૈયારીઓ શરૂ કરી દેવાઈ છે. આવતીકાલે એટલે કે ગુરુવારે જળયાત્રા નીકળવાની છે તેને લઈને તૈયારીઓને આખરી ઓપ અપાઈ રહ્યો છે.
રેલ્વેએ કરી મોટી જાહેરાત,ગુજરાતથી વૈષ્ણોદેવી જવા માંગતા શ્રદ્ધાળુઓ માટે ખુશખબર
જળયાત્રા એ રથયાત્રાનું પ્રથમ ચરણ કહેવાય છે. જેમાં દર વર્ષે જ્યારે જળયાત્રા નીકળે છે. ત્યારે તેમાં 108 કળશ. 5 ગજરાજ, ધજાઓ અને ઢોલનગારા સાથે હરિભક્તો જોડાતા હોય છે. પણ 2020 થી શરૂ થયેલા કોરોનાને લઈને આ વર્ષે રથયાત્રા પર તેની અસર જોવા મળી છે. કેમ કે ત્રીજી લહેરની શક્યતાઓ સેવાઇ રહી છે. ત્યારે રથયાત્રા જો કાઢવામાં આવે એ મોટી સંખ્યામાં લોકો તેમાં જોડાય અને તેમાંથી કોરોના સ્પ્રેડ થાય તે ચિંતા તંત્રને સતાવી રહી છે. જેને જોતા હજુ સુધી રથયાત્રા કાઢવી કે નહીં તેને લઈને કોઈ નિર્ણય લેવાયો નથી. પણ જળયાત્રા માટે પ્રોટોકોલ સાથે જળયાત્રા કાઢવા મંજૂરી અપાઈ છે.
