મ્યુકર માઇકોસિસ જ્યાં સુધી શરીરમાં પ્રવેશે નહીં ત્યાં સુધી રોગ થતો નથી.ફેસ માસ્ક, નઝલ કેન્યુલા અને ટ્યૂબ નાખવાથી ચામડી તૂટી શકે છે. ફંગસ દરેક વ્યકિતના શરીરની બહાર હોય જ છે, ત્યારે ઓક્સિજનના ઉપકરણોની યોગ્ય સફાઇને અભાવે તેમજ કોવિડના દર્દીમાં રોગપ્રતિકારક શક્તિ ઓછી હોવાથી શરીર તેનો પ્રતિકાર કરી શકતું નથી. ફંગસ શરીરમાં પ્રવેશ્યા પછી 3-4 અઠવાડિયા લાગે છે. જેથી દર્દીને રજા આપ્યા બાદ મ્યુકર માઇકોસિસ થયાનું જણાય છે.ઓક્સિજન, બાયપેપ કે વેન્ટિલેટર પર રહેલાં દર્દી જાતે ઓરલ હાઇજીન જાળવી શકતા નથી. જેથી નર્સિંગ સ્ટાફે જ્યારે દર્દી સારવાર લીધા બાદ ઘરે જાય ત્યારબાદ પણ સગાએ ઓરલ હાઇજીનનું ધ્યાન રાખવું જોઇએ.
મ્યુકર માઇકોસિસ ફેલાવા માટે ડાયાબિટીસ અને સ્ટીરોઇડને દોષ અપાય છે. પરંતુ,કોવિડના બીજા વેવમાં મોટાભાગના દર્દીને ઓક્સિજનની જરૂર પડી હતી. ત્યારે ઓક્સિજન, બાયપેપ અને વેન્ટિલેટર પરના દર્દીને ફેસ માસ્ક પહેરાવીને નઝલ કેન્યુલા અને ગળામાં ટ્યૂબ નાખી હોય, ત્યારે ફેસ માસ્ક-નઝલ કેન્યુલાથી ઇજા અને ગળામાં ટ્યૂબ નાખવાથી ગળાની ચામડી છોલાઇ હોય ત્યારે આવી ઇજા દ્વારા ફૂગ શરીરમાં પ્રવેશીને રોગ કરી શકે છે. સિનિયર ઓર્થોપેડિક સર્જન ડો.પ્રવીણ કાનાબાર જણાવે છે કે, કોવિડ પહેલાં વિશ્વમાં 1 લાખે 1 વ્યકિતમાં ફંગસ થતી હતી.તેને બદલે હાલમાં અમદાવાદમાં 1 હજારથી વધુ મ્યુકર માઇકોસિસના દર્દી છે. જેના કારણે કોવિડના બીજા વેવમાં દર્દીના શરીરમાં ઓક્સિજનનું પ્રમાણ ઘટતાં બહારથી ઓક્સિજન આપવા નઝલ કેન્યુલા(ટ્યૂબ)મૂકાય છે. ત્યારે ઓક્સિજન, બાયપેપ કે વેન્ટિલેટર પરના દર્દીને અપાતા ઓક્સિજનની ટ્યૂબ(નઝલ કેન્યુલા)નિયમિત બદલવી જોઇએ, સાથોસાથ દર્દીના મોઢાની સ્વચ્છતાનું ધ્યાન પણ રાખવું જરૂરી છે.
હોસ્પિટલમાં અને ઘરે બિટાડીનના કોગળા કરાવીને દર્દીના મોઢાની સફાઇ કરવી જરૂરી છે. ડાયાબિટીસ, એચઆઇવી, કિડની ટ્રાન્સપ્લાન્ટ કર્યું હોય, સ્ટીરોઇડ આપ્યા હોય ત્યારે શરીરની ઓટો ઇમ્યુન સિસ્ટમ નબળી પડે છે.
શાંતિશ્રમ વેબસાઇટ પર આપની જાહેરાત માટે
સંપર્ક
અશોક શેઠ મો.9426488188
કૃણાલ શેઠ, મો. 9427535268
