ગુજરાત ભારતીય જનતા પાર્ટી (ભાજપ) ના ધારાસભ્ય કરસનભાઈ સોલંકીનું 57 વર્ષની વયે અન્નનળીના કેન્સરને કારણે અવસાન થયું. તેમણે આજે (મંગળવાર, ૪ ફેબ્રુઆરી) સવારે ૪ વાગ્યે અંતિમ શ્વાસ લીધા.
કરસનભાઈ સોલંકી મહેસાણાની કડી વિધાનસભા બેઠકના ધારાસભ્ય હતા.તેઓ 2017માં આ બેઠક પરથી પહેલીવાર ધારાસભ્ય બન્યા હતા. આ પછી, વર્ષ 2022 માં, તેઓ ફરીથી ચૂંટણી જીતી ગયા અને ધારાસભ્ય બન્યા.
ગાંધીવાદી વિચારો સાથે જીવન જીવનારા સોલંકી સરકારી બસ દ્વારા ગાંધીનગર આવતા હતા. ધારાસભ્ય કરસનભાઈ સોલંકીએ ૧૯૮૦ માં પોતાની રાજકીય કારકિર્દીની શરૂઆત કરી હતી. તેઓ પહેલા સરપંચ બન્યા અને પછી સતત 20 વર્ષથી વધુ સમય સુધી કડી પંચાયતની ન્યાય સમિતિના અધ્યક્ષ રહ્યા.
