નાણામંત્રી નિર્મલા સીતારમણે શનિવાર, 1 ફેબ્રુઆરી, 2025 ના રોજ આઠમું બજેટ રજૂ કર્યું. જેમાં તેમણે ભારતીય ભાષા પુસ્તક યોજના વિશે જણાવ્યું. તેમણે કહ્યું કે, ભારતીય ભાષાના પુસ્તકો શાળાઓ અને યુનિવર્સિટીઓને ડિજિટલી ઉપલબ્ધ કરાવવામાં આવશે.
તેમણે કહ્યું કે, આનાથી ભારતીય ભાષાઓને વધુ પ્રોત્સાહન મળશે. વિદ્યાર્થીઓને ડિજિટલ માધ્યમ દ્વારા તેમની માતૃભાષામાં પુસ્તકો ઉપલબ્ધ થશે. આનાથી તેઓ વધુ સારી રીતે અભ્યાસ કરી શકશે. સમાવિષ્ટ શિક્ષણને પ્રોત્સાહન આપશે અને પ્રાદેશિક ભાષાઓનું જતન કરશે.
આ ઉપરાંત, પીએમ રિસર્ચ ફેલોશિપ સંશોધનને પ્રોત્સાહન આપવા માટે, સરકાર IIT અને IISc બેંગ્લોરમાં 10,000 પીએમ રિસર્ચ ફેલોશિપ પ્રદાન કરશે, જે વિજ્ઞાન અને ટેકનોલોજી ક્ષેત્રે ટોચના વિદ્યાર્થીઓને નાણાકીય સહાય પૂરી પાડશે.
નાણામંત્રી નિર્મલા સીતારમણે જણાવ્યું હતું કે 2023 થી IIT વિદ્યાર્થીઓની સંખ્યામાં વધારો થયો છે. હવે તેમને વધારાનું માળખું આપવામાં આવશે.
આ યોજનાના ફાયદા
ડિજિટલ પુસ્તકો ઇન્ટરનેટ દ્વારા ગમે ત્યાં અને ગમે ત્યારે વાંચી શકાય છે, જેનાથી દૂરના વિસ્તારોમાં પણ જ્ઞાનની પહોંચ સરળ બને છે. વધુમાં, જેમની પાસે સ્માર્ટફોન કે ટેબ્લેટ છે તેઓ ભારતીય ભાષાઓમાં પુસ્તકો સરળતાથી વાંચી શકે છે, જેનાથી ભાષા અવરોધ ઓછો થાય છે. એક જ ઉપકરણ પર લાખો પુસ્તકો સંગ્રહિત કરી શકાય છે, જેનાથી લાઇબ્રેરીને આસપાસ લઈ જવાનું શક્ય બને છે.
