આયુર્વેદિક નિષ્ણાતોના મતે મેથીમાં ઘણા પ્રકારના વિટામિન અને મિનરલ્સ મળી આવે છે જે ખૂબ જ ફાયદાકારક છે. મેથીની મદદથી આપણે અનેક પ્રકારની બીમારીઓને દૂર કરી શકીએ છીએ. તેમાં પ્રોટીન, ટોટલ લિપિડ, એનર્જી, ફાઈબર, કેલ્શિયમ, આયર્ન, ફોસ્ફરસ, પોટેશિયમ, ઝિંક, મેંગેનીઝ, વિટામિન સી, વિટામિન બી, સોડિયમ અને કાર્બોહાઈડ્રેટ્સ જેવા પોષક તત્વો મળી આવે છે.
શરીર ડિટોક્સ થશેઃ આ પાણીથી શરીર ડિટોક્સ થઈ જાય છે. આ પાણી પીવાથી શરીરમાં બ્લડ શુગર લેવલ કંટ્રોલમાં રહે છે. દરરોજ સવારે મેથીનું પાણી પીવાથી શરીર સ્વસ્થ રહે છે, હા, શરૂઆતમાં તમારે આ પાણી માત્ર 15 દિવસ સુધી જ પીવું પડશે.
પાચનતંત્ર મજબૂત થશેઃ મેથીનું પાણી પાચનતંત્રને મજબૂત કરવા માટે રામબાણની જેમ કામ કરે છે. પાણી પીવાથી કબજિયાત, એસિડિટી અને પેટ ફૂલવું જેવી સમસ્યાઓમાં રાહત મળે છે.
વજન ઘટાડવામાં અસરકારક- મેથી અને વરિયાળીનું પાણી નિયમિત રીતે પીવાથી મેદસ્વીતા ઝડપથી ઓછી થાય છે. તેના માટે4 આ બીજને ચાવીને ખાઓ, તમને જલ્દી જ અસર જોવા મળશે.
આયુર્વેદ નિષ્ણાતોના મતે, મેથીના દાણાનું પાણી સ્વાસ્થ્ય માટે ખૂબ જ ફાયદાકારક છે, ખાસ કરીને જ્યારે તમે તેને સવારે ખાલી પેટ પીવો છો.
મેથીનું પાણી બનાવવા માટે એકથી દોઢ ચમચી મેથીના દાણાને એક ગ્લાસ સ્વચ્છ પાણીમાં આખી રાત પલાળી રાખો. સવારે ઉઠ્યા બાદ આ પાણીને સારી રીતે ગાળી લો અને પછી તેને ખાલી પેટ પીવો. જો તમે ઈચ્છો તો મેથીના દાણા પછી પણ ખાઈ શકો છો.
મેથીનું પાણી સવારે ખાલી પેટ પીવાથી શરીરમાં રહેલા ઝેરી તત્વો બહાર નીકળી જાય છે, તેથી ગર્ભાવસ્થા દરમિયાન મહિલાઓએ તેનું સેવન માત્ર ડૉક્ટરની સલાહ પર જ કરવું જોઈએ.
