દિયોદર ખાતે રાવણા રાજપૂત સમાજના સંસ્કાર ભવનમાં રાવણા રાજપૂત યુવક મંડળ દિયોદર દ્વારા બનાસકાંઠા જિલ્લા તેજસ્વી તારલાઓનું સન્માન સમારોહ યોજાયો .
જેમાં કાર્યક્રમનો શુભારંભ આમંત્રિત મહેમાનો દ્વારા દીપ પ્રાગટ્ય કરીને ખુલ્લો મૂકવામાં આવ્યો હતો. જેમાં બનાસકાંઠા જિલ્લાના ધો.૧ થી ધો.૭ ના તમામ વિધાર્થીઓને કીટ અને ધો. ૮ થી ઉચ્ચ કક્ષાએ અભ્યાસ, સરકારી નોકરી, ધંધાકીય વ્યવસાય, રમત ગમત ક્ષેત્રે સિદ્ધિઓ મેળવેલ તારાઓને ટ્રોફી મેડલ અને બેગ આપી સન્માનિત કરવામાં આવ્યા હતા.
આ કાર્યક્રમ માં દાતાઓએ સુંદર લાભ લીધેલ. ઉપસ્થિત મહાનુભાવોઓએ સમાજને શિક્ષણ તરફ આગળ લઈ જવા આહવાન કર્યું હતું.આ પ્રસંગે દિયોદર તેમજ બનાસકાંઠા જિલ્લામાંથી રાવણા રાજપૂત સમાજના ભાઈઓ ઉપસ્થિત રહી કાર્યક્રમને સફળ બનાવ્યો હતો
