મહારાષ્ટ્ર વિધાનસભા ચૂંટણી 2024 ( Maharashtra Assembly Elections ) માટે મહાવિકાસ અઘાડી વચ્ચે સીટોની વહેંચણી નક્કી કરવામાં આવી છે. ત્રણેય પક્ષોના નેતાઓની બેઠક લગભગ 4 કલાક સુધી ચાલી હતી, જે બાદ ત્રણેય પક્ષો એક નિષ્કર્ષ પર પહોંચ્યા હતા. બેઠક બાદ શિવસેના ઉદ્ધવ નેતા સંજય રાઉતે કહ્યું કે MVA ( Maha Vikas Aghadi ) માં સીટ શેરિંગને અંતિમ સ્વરૂપ આપવામાં આવ્યું છે. જો કે હજુ સુધી તેની સત્તાવાર જાહેરાત કરવામાં આવી નથી.
સૂત્રોનું માનીએ તો કોંગ્રેસ 105 બેઠકો પર, શિવસેના યુબીટી 95 અને શરદ પવારની આગેવાની હેઠળની ( Sharad Pawar NCP ) NCP 85 બેઠકો પર ચૂંટણી લડશે. ત્રણેય પક્ષો તેમના ક્વોટામાંથી નાના પક્ષોને બેઠકો આપશે. આ અંગે સમજૂતી પણ થઈ ગઈ છે. જો એમવીએના સૂત્રોનું માનીએ તો લોકસભાના પરિણામોના આધારે સીટ વહેંચણીની ફોર્મ્યુલા નક્કી કરવામાં આવી છે.
સપાએ 12 સીટો માંગી હતી
તમને જણાવી દઈએ કે સપાએ MVA પાસે 12 સીટોની માંગણી કરી છે. પાર્ટીના વડા અખિલેશ યાદવે 19 ઓક્ટોબરે કહ્યું હતું કે તેમણે ધુલે વિધાનસભા બેઠક પરથી ઉમેદવારની જાહેરાત કરી હતી. તેમણે કહ્યું કે અમે MVA પાસેથી 12 બેઠકો માંગી છે. 18 ઓક્ટોબરના રોજ, પાર્ટીએ ભિવંડી પૂર્વથી વર્તમાન ધારાસભ્ય રઈસ શેખ, ભિવંડી પશ્ચિમથી રિયાઝ આઝમી અને માલેગાંવ મધ્યથી શાન-એ-હિંદને નામાંકિત કર્યા છે.
ભાજપે વિધાનસભા ચૂંટણી માટે 99 ઉમેદવારોની યાદી જાહેર કરી છે. આ વખતે પાર્ટીએ 79 ઉમેદવારોની ટિકિટ રિપીટ કરી છે. શિવસેના શિંદેએ પણ 45 ઉમેદવારોના નામ જાહેર કર્યા છે. મહારાષ્ટ્રમાં વિધાનસભા ચૂંટણી ( Maharashtra Chunav 2024 ) ને લઈને બ્યુગલ વાગી ગયું છે. રાજ્યની 288 બેઠકો માટે 20 નવેમ્બરે એક જ તબક્કામાં મતદાન થવાનું છે. જ્યારે 23મી નવેમ્બરે પરિણામ જાહેર થશે.
આ પણ વાંચો – JMMએ ચૂંટણી માટે પ્રથમ યાદી જાહેર કરી, જાણો કોને ક્યાંથી ટિકિટ મળી?
