ફિલ્મ અભિનેતા શાહરૂખ ખાનના પુત્રની ધરપકડ કરીને લાઈમલાઈટમાં આવેલા NCB ઓફિસર સમીર વાનખેડે ( Sameer Wankhede ) ફરી એકવાર ચર્ચામાં છે. સૂત્રોનું માનીએ તો તે NCBની નોકરી છોડીને રાજકારણમાં પ્રવેશ કરી શકે છે. તેઓ શિવસેના શિંદે જૂથમાં જોડાયા હોવાની ચર્ચા છે. આ સાથે તે મુંબઈની ધારાવી સીટ પરથી ચૂંટણી લડી શકે છે. તમને જણાવી દઈએ કે સમીર વાનખેડે 2008 બેચના IRS ઓફિસર છે. 2021 માં, તેમણે NCB, મુંબઈના ઝોનલ ડિરેક્ટર તરીકેનો કાર્યભાર સંભાળ્યો.
વાસ્તવમાં, સમીર વાનખેડે ગયા વર્ષે ત્યારે ચર્ચામાં આવ્યો હતો જ્યારે તેણે ફિલ્મ અભિનેતા શાહરૂખ ખાનના પુત્ર આર્યન ખાનની ગોવામાં એક ક્રૂઝમાંથી ધરપકડ કરી હતી. તેના પર ક્રૂઝ પાર્ટીમાં ડ્રગ્સ લેવાનો આરોપ હતો. જો કે થોડા દિવસો બાદ કોર્ટે આર્યન ખાનને નિર્દોષ જાહેર કર્યો હતો. આ કેસમાં તેમની સામે ભ્રષ્ટાચાર સંબંધિત આક્ષેપો પણ કરવામાં આવ્યા હતા. આ પછી તેની સામે ખાતાકીય તપાસ પણ હાથ ધરવામાં આવી હતી.
તમને જણાવી દઈએ કે મહારાષ્ટ્રમાં મહાયુતિની સરકાર છે. જેમાં શિંદે જૂથ અને ( Sameer Wankhede in ncp ) NCP અજીત જૂથ સિવાય ભાજપ સૌથી મોટો પક્ષ છે. જ્યારે બીજા ક્રમે મહાવિકાસ અઘાડી ગઠબંધન છે જેમાં કોંગ્રેસ, એનસીપી શરદ પવાર અને શિવસેના ઉદ્ધવ જૂથનો સમાવેશ થાય છે.
આ રીતે 2019માં બળવો થયો હતો
2019ની વિધાનસભા ચૂંટણી ભાજપ અને યુનાઇટેડ શિવસેના સાથે મળીને લડ્યા હતા, પરંતુ સીએમ પદ પર સર્વસંમતિના અભાવે શિવસેનાએ કોંગ્રેસની મદદથી સરકાર બનાવી હતી. આ પછી 2021માં પહેલા એકનાથ શિંદે શિવસેના અને પછી 2023માં અજિત પવારે શરદ પવારની એનસીપી સાથેના સંબંધો તોડી નાખ્યા અને નવો જૂથ બનાવ્યો. મહારાષ્ટ્ર ( Maharashtra Politics ) માં જુલાઈ 2022થી શિંદે સરકાર અસ્તિત્વમાં આવી હતી. હાલમાં શિવસેનાના એકનાથ શિંદે ભાજપના ટેકાથી સરકાર ચલાવી રહ્યા છે. રાજ્યમાં 20 નવેમ્બરે એક જ તબક્કામાં 288 બેઠકો પર મતદાન થવાનું છે. 23મી નવેમ્બરે પરિણામ જાહેર થશે.
આ પણ વાંચો – પ્રકાશ આંબેડકરની પાર્ટીએ જાહેર કરી ત્રીજી યાદી, કોણ છે આદિત્ય ઠાકરેની સામે?
