બનાસકાંઠાના થરામાં એક યુવકનું અપહરણ કરવામાં આવ્યુ હતું, જેમાં પોલીસે માત્ર થોડા કલાકોમાં જ પાંચ આરોપીઓની ધરપકડ કરી લીધી. મિત્રએ જ સસ્તામાં સોનુ આપવાનું કહી મિત્રનું અપહરણ કર્યું હતું.
પ્રાપ્ત માહિતી અનુસાર, પાલનપુરના કિરણ ઠાકોરે તેના મિત્ર ભાવેશને 100 ગ્રામ સોનાનું બિસ્કીટ 5 લાખ રૂપિયામાં વેચવાનું વાયદો આપ્યો હતો. આ લાલચમાં આવીને, ભાવેશ સોનાની ખરીદી કરવા માટે તૈયાર થયો. પરંતુ સોનું આપવા આવેલા કિરણ સહીતના શખ્સઓએ ભાવેશનું અપહરણ કરી લીધુ હતું. ગાડીમાં બેસાડી અજાણ્યા રસ્તાઓ પર લઇ ગયા અને બાદમાં તેની પાસે રહેલા પાંચ લાખ રૂપિયા લૂંટી લઈ છોડી દીધો હતો.
આ સમગ્ર બનાવ મામલે પોલીસમાં ફરિયાદ નોંધાઈ હતી. પરિણામે પોલીસે અપહરણ કરી લૂંટ કરનાર શખ્સોને પકડવા તપાસ હાથ ધરી હતી. માત્ર થોડા કલાકોમાં, પોલીસે તમામ પાંચ આરોપીઓને પકડવામાં સફળતા મળી. વધુમાં, 4.97 લાખ રૂપિયાનો મુદ્દામાલ પણ પોલીસ દ્વારા રિકવર કરવામાં આવ્યો, જે આ કેસમાં મહત્વપૂર્ણ પુરાવો માનવામાં આવે છે.
આ પણ વાંચો – અમદાવાદમાં બ્રેઈન ડેડ યુવકના 7 અંગોનું સિક્રેટ ડોનેશન, 4 લોકોને મળ્યું નવું જીવન
