નેપાળમાં અવિરત વરસાદે અનેક શહેરોમાં તબાહી સર્જી છે. મીડિયા રિપોર્ટ અનુસાર નેપાળમાં પૂરના કારણે ઓછામાં ઓછા 39 લોકોના મોત થયા છે. નેપાળના ઘણા વિસ્તારો શુક્રવારથી વરસાદમાં ડૂબી ગયા છે.
ફ્લડ ચેતવણી જારી
ભારે વરસાદને કારણે ડિઝાસ્ટર અધિકારીઓએ અચાનક પૂરની ચેતવણી જારી કરી છે. MyRepublic.comના અહેવાલ મુજબ, કાઠમંડુમાં નવ લોકો, લલિતપુરમાં 16, ભક્તપુરમાં પાંચ, કાવેરપાલન ચોકમાં ત્રણ, પંચથર અને ધનકુટામાં બે-બે અને ઝાપા અને ધાડિંગમાં એક-એક વ્યક્તિના મોત થયા છે.
226 મકાનો ડૂબી ગયા, 11 લોકો ગુમ
પૂરના કારણે કુલ 11 લોકો પણ ગુમ થયા છે. પોલીસે જણાવ્યું કે કાઠમંડુમાં 226 ઘરો ડૂબી ગયા છે અને નેપાળ પોલીસ દ્વારા અસરગ્રસ્ત વિસ્તારોમાં લગભગ 3,000 સુરક્ષા કર્મચારીઓની બચાવ ટીમ તૈનાત કરવામાં આવી છે.
