શું તમે ભારતની સૌથી મૂલ્યવાન બ્રાન્ડ વિશે જાણો છો, શું તમે જાણો છો કે તેની કિંમત કેટલી છે? દેશની સૌથી મૂલ્યવાન બ્રાન્ડની કિંમત $49.7 બિલિયન છે. હકીકતમાં, એક અહેવાલ જણાવે છે કે દેશની ટોચની 75 મૂલ્યવાન બ્રાન્ડ્સનું સંયુક્ત મૂલ્ય 19 ટકા વધીને $450.5 બિલિયન થયું છે. માર્કેટિંગ ડેટા અને એનાલિસિસ સાથે જોડાયેલી કંપની કંતાર બ્રાન્ડ્સના રિપોર્ટમાં આ વાત કહેવામાં આવી છે. તેમાં કહેવામાં આવ્યું છે કે ભારતની અગ્રણી IT કંપની Tata Consultancy Services (TCS) સતત ત્રીજા વર્ષે સૌથી મૂલ્યવાન બ્રાન્ડ રહી. આ પછી એચડીએફસી બેંક, એરટેલ, ઇન્ફોસિસ અને એસબીઆઈનો સમાવેશ થાય છે.
તેમાં કહેવામાં આવ્યું છે કે, “TCSની બ્રાન્ડ વેલ્યુ ( TCS brand value ) $49.7 બિલિયન હતી. જે ગયા વર્ષની સરખામણીમાં 16 ટકા વધુ છે. બ્રાન્ડ વેલ્યુમાં વધારાનું મુખ્ય કારણ ઇનોવેશન અને ડિજિટલ ટ્રાન્સફોર્મેશનમાં રોકાણ છે, ખાસ કરીને આર્ટિફિશિયલ ઇન્ટેલિજન્સ (AI)ના ક્ષેત્રમાં.
અહેવાલ મુજબ, 54 બ્રાન્ડ્સે પાછલા વર્ષમાં તેમની બ્રાન્ડ વેલ્યુમાં વાર્ષિક ધોરણે વધારો કર્યો છે, જેમાં તમામ બિઝનેસ સેગમેન્ટની બ્રાન્ડ્સ વૃદ્ધિને આગળ વધારી રહી છે. સૂચિમાં નાણાકીય સેવાઓ સંબંધિત બ્રાન્ડ્સનું પ્રભુત્વ છે. આમાં, કુલ 17 બ્રાન્ડ્સે એકંદર બ્રાન્ડ વેલ્યુ રેન્કિંગમાં 28 ટકા યોગદાન આપ્યું છે. HFDC બેંક $38.3 બિલિયનના મૂલ્યાંકન સાથે બીજા સ્થાને છે જ્યારે જાહેર ક્ષેત્રની સ્ટેટ બેંક ઓફ ઇન્ડિયા $18 બિલિયનના મૂલ્યાંકન સાથે પાંચમા સ્થાને છે.
ICICI બેંક $15.6 બિલિયનના મૂલ્યાંકન સાથે છઠ્ઠા સ્થાને છે અને LIC $11.5 બિલિયનના મૂલ્યાંકન સાથે 10મા સ્થાને છે. ઓનલાઈન ફૂડ ઓર્ડરિંગ પ્લેટફોર્મ ઝોમેટોએ સૌથી ઝડપી વૃદ્ધિ જોઈ છે. તેની બ્રાન્ડ વેલ્યુ બમણી થઈને $3.5 બિલિયન થઈ ગઈ છે અને તે 31મા ક્રમે છે. તેની બ્રાન્ડ વેલ્યુમાં વધારો થવાનું કારણ ઝડપી ડિલિવરી બિઝનેસમાં નવીનતા અને વિસ્તરણ પરનો ભાર છે.
વાહન ક્ષેત્રમાં મારુતિ સુઝુકીનું પ્રભુત્વ છે અને તે 17માં સ્થાને છે. તે પછી બજાજ ઓટો 20માં સ્થાને છે. મહિન્દ્રા એન્ડ મહિન્દ્રાના બ્રાન્ડ વેલ્યુએશનમાં 78 ટકાનો વધારો થયો છે અને તે 30મા સ્થાને છે. આ વર્ષની રેન્કિંગ 108 કેટેગરીમાં 1,535 બ્રાન્ડ્સ પર 1.41 લાખ સહભાગીઓના મંતવ્યો પર આધારિત છે.
આ પણ વાંચો – ક્યારે જાહેર થશે GDSનું ત્રીજું મેરિટ લિસ્ટ? અહીં ચેક કરો
