ભારતીય રિઝર્વ બેંકે કાયદાકીય અને નિયમનકારી પાલનમાં ભૂલો બદલ એક્સિસ બેંક અને HDFC બેંક પર કુલ રૂ. 2.91 કરોડનો દંડ ફટકાર્યો છે. એક્સિસ બેંક પર 1.91 કરોડ રૂપિયાનો દંડ ફટકારવામાં આવ્યો છે. આમાં ‘થાપણો પર વ્યાજ દર’, ‘કેવાયસી’ અને ‘કૃષિ લોન પ્રવાહ’ સંબંધિત સૂચનાઓનું પાલન ન કરવાના કિસ્સાઓનો સમાવેશ થાય છે.
રિઝર્વ બેંક ઓફ ઈન્ડિયા (RBI) એ એક્સિસ બેંક અને HDFC Bank સામે કડક કાર્યવાહી કરી છે. બેંકિંગ રેગ્યુલેટરે આ બે ખાનગી બેંકો પર કુલ 2.91 કરોડ રૂપિયાનો દંડ ફટકાર્યો છે. નિયમોનું પાલન ન કરવાને કારણે આ દંડ ફટકારવામાં આવ્યો છે. RBIએ મંગળવારે આ જાણકારી આપી. એક્સિસ બેંક પર 1.91 કરોડ રૂપિયા અને HDFC બેંક પર 1 કરોડ રૂપિયાનો દંડ ફટકારવામાં આવ્યો છે.
સેન્ટ્રલ બેંકે કાયદાકીય અને નિયમનકારી પાલનમાં કેટલીક ક્ષતિઓ બદલ એક્સિસ બેંક અને HDFC બેંક સામે આ કાર્યવાહી કરી છે. RBIએ મંગળવારે જણાવ્યું હતું કે Axis Bankને બેન્કિંગ રેગ્યુલેશન એક્ટની અમુક જોગવાઈઓનું ઉલ્લંઘન કરવા, ‘થાપણો પર વ્યાજ દર’, ‘Know Your Customer (KYC)’ અને ‘કૃષિ લોન’ ધોરણોનું પાલન ન કરવા બદલ રૂ. 1.91 લાખનો દંડ ફટકારવામાં આવ્યો છે. કરોડનો દંડ ફટકારવામાં આવ્યો છે.
HDFC બેંક પર શા માટે દંડ?
HDFC બેંક પર શા માટે દંડ?તેવી જ રીતે HDFC બેંકે પણ કેટલાક નિયમોનું પાલન કર્યું ન હતું. આ કારણે તેને દંડ ફટકારવામાં આવ્યો છે. HDFC બેંકને ‘થાપણો પરના વ્યાજ દરો’, ‘બેંકોમાં રિકવરી એજન્ટ્સ’ અને ‘બેંકોમાં ગ્રાહક સેવા’ અંગેની કેટલીક સૂચનાઓનું પાલન ન કરવા બદલ રૂ. 1 કરોડનો દંડ ફટકારવામાં આવ્યો છે, એમ અન્ય એક નિવેદનમાં જણાવાયું છે.
ગ્રાહક વ્યવહારોને અસર થશે નહીં
આરબીઆઈએ એમ પણ કહ્યું કે આ દંડ વૈધાનિક અને નિયમનકારી અનુપાલનમાં ખામીઓ સાથે સંબંધિત છે. આનાથી બેંકો દ્વારા તેમના ગ્રાહકો સાથે કરવામાં આવેલ કોઈપણ વ્યવહાર અથવા કરારની માન્યતાને અસર થશે નહીં.
બેંકિંગ સિસ્ટમમાં અનુશાસન જાળવવા માટે આરબીઆઈનું આ પગલું મહત્વપૂર્ણ છે. આ દંડ ગ્રાહકોને પણ જાગૃત કરે છે કે તેઓએ તેમની બેંક સાથે વ્યવહાર કરતી વખતે સાવચેત રહેવું જોઈએ. આ બેંકોને નિયમોનું પાલન કરવા અને ગ્રાહકોના હિતોનું ધ્યાન રાખવા માટે પ્રેરિત કરે છે.
આ પણ વાંચો – NTPC તરફથી મોટો ઓર્ડર મળ્યા બાદ આ સ્ટોકમાં સતત બીજા દિવસે જોવા મળી અપર સર્કિટ
