Independence Day 2024: પીએમ મોદીએ પણ સ્વતંત્રતા દિવસના અવસર પર પોતાના સંબોધન દરમિયાન દેશવાસીઓમાં ઉત્સાહ ભરી દીધો હતો. મોદીએ કહ્યું કે જ્યારે 40 કરોડ દેશવાસીઓ ગુલામીની સાંકળો તોડીને દેશને આઝાદ કરાવી શકે છે તો આજે 140 કરોડ પરિવારના સભ્યો પણ તે જ ભાવનાથી ભારતને સમૃદ્ધ બનાવી શકે છે.
‘વિકસિત ભારત 2047’ માત્ર એક ભાષણ નથી
PM 78મા સ્વતંત્રતા દિવસ ના અવસર પર લાલ કિલ્લાની પ્રાચી પરથી દેશવાસીઓને સંબોધિત કરી રહ્યા હતા. મોદીએ કહ્યું કે ‘વિકસિત ભારત 2047’ માત્ર ભાષણના શબ્દો નથી, પરંતુ તેની પાછળ સખત મહેનત ચાલી રહી છે અને દેશના સામાન્ય લોકો પાસેથી સૂચનો લેવામાં આવી રહ્યા છે.
આજે આપણે 140 કરોડ છીએ. જો 40 કરોડ દેશવાસીઓ ગુલામીની સાંકળો તોડી શકે છે, આઝાદીનું સ્વપ્ન સાકાર કરી શકે છે, આઝાદી લઈને તેનું પ્રદર્શન કરી શકે છે, તો જો 140 કરોડ દેશવાસીઓ સંકલ્પ સાથે આગળ વધે છે, એક દિશા નક્કી કરે છે, કદમથી કદમ મિલાવીને ચાલીએ તો. ભલે ગમે તેટલા પડકારો હોય, ગમે તેટલી ગંભીર અછત હોય, સંસાધન માટે ગમે તેટલો સંઘર્ષ કરવો પડે… આપણે દરેક પડકારને પાર કરી શકીએ છીએ અને સમૃદ્ધ ભારત બનાવી શકીએ છીએ.
તેમણે કહ્યું, ‘આપણે 2047 સુધીમાં વિકસિત ભારતનું લક્ષ્ય હાંસલ કરી શકીશું. જો 40 કરોડ દેશવાસીઓ પોતાના પ્રયત્નો, સમર્પણ, ત્યાગ અને બલિદાનથી આઝાદી મેળવી શકે અને સ્વતંત્ર ભારતનું નિર્માણ કરી શકે તો 140 કરોડ દેશવાસીઓ પણ એ જ ભાવનાથી સમૃદ્ધ ભારત બનાવી શકે છે.
આ પણ વાંચો – Independence Day 2024: PM મોદી આજે લાલ કિલ્લા પરથી 11મી વખત રાષ્ટ્રને કરશે સંબોધન, તેમના અત્યાર સુધીના 10 ભાષણોની ખાસિયતો શું હતી?
