Banaskantha Update 

Banaskantha:  જિલ્લા કક્ષાના સ્વાતંત્ર્ય પર્વની ઉજવણી આ વર્ષે બનાસકાંઠા જિલ્લાના ડીસા (Deesa) મુકામે ટી.સી.ડી. ગ્રાઉન્ડ ખાતે કરવામાં આવશે. જિલ્લા કક્ષાના સ્વાતંત્ર્ય પર્વની ઉજવણીના સુચારુ આયોજન અને કાર્યક્રમની પૂર્વતૈયારીઓની સમીક્ષા અર્થે બનાસકાંઠા જિલ્લા કલેક્ટરશ્રી વરૂણકુમાર બરનવાલ (Varun Kumar Baranwal)ના અધ્યક્ષસ્થાને કલેકટર કચેરી પાલનપુર (Collector Office Palanpur) ખાતે જિલ્લા વહીવટીતંત્રના અધિકારીશ્રીઓની બેઠક યોજાઈ હતી.

સ્વતંત્રતા દિવસની ઉજવણી અંતર્ગત યોજાયેલી બેઠકમાં જિલ્લા કલેક્ટરશ્રીએ વિવિધ કચેરીના અધિકારીશ્રીઓને કચેરીને લગતી કામગીરી જેવી કે જિલ્લામાં આવનારા મહેમાનો, પોલીસ બંદોબસ્ત,પોલીસ પરેડ, એન.સી.સી. સ્કાઉટ, વૃક્ષારોપણ, વિવિધ સાંસ્કૃતિક કાર્યક્રમ, ઈનામ વિતરણ, બેઠક વ્યવસ્થા વગેરે પર ચર્ચા કરી હતી અને સંલગ્ન તમામ વ્યવસ્થાઓ સુચારુ રીતે ગોઠવાય તે જોવા માટે સંબંધિત અધિકારીઓને સૂચન કર્યું હતું. Police Arrangement, Police Parade, N.C.C. Scout, Plantation

આ બેઠકમાં નિવાસી અધિક કલેક્ટરશ્રી સી.પી.પટેલ, એડિશનલ કલેકટર શ્રીમતી દેવાહુતિ, નાયબ વન સંરક્ષકશ્રી અભયકુમાર સિંહ, પ્રાંત અધિકારીશ્રીઓ સહિત જિલ્લાની વિવિધ કચેરીઓના અધિકારીશ્રીઓ ઉપસ્થિત રહ્યા હતા