Top International Update
Quota Protest Bangladesh: બાંગ્લાદેશમાં સરકારી નોકરીઓમાં અનામતના વિરોધમાં બુધવારે વિદ્યાર્થીઓનું પ્રદર્શન ચાલુ રહ્યું. પોલીસે વિદ્યાર્થીઓને વિખેરવા માટે ટીયર ગેસના શેલ અને રબર બુલેટ છોડ્યા હતા. Quota Protest Bangladesh એક દિવસ અગાઉ થયેલી હિંસક અથડામણમાં છ લોકો માર્યા ગયા હતા અને ઘણા ઘાયલ થયા હતા.
સુરક્ષા દળોની આ કાર્યવાહીના વિરોધમાં દેખાવકારોએ ગુરુવારે દેશવ્યાપી બંધનું આહ્વાન કર્યું છે. ચળવળના મુખ્ય સંયોજક, આસિફ મહમૂદે એક પોસ્ટમાં જણાવ્યું હતું કે હોસ્પિટલો અને ઇમરજન્સી સેવાઓ સિવાયની તમામ સંસ્થાઓ બંધ રહેશે.
આ લોકો માટે અનામત સમાપ્ત કરવાની માંગ
દેખાવકારો 1971ના બાંગ્લાદેશ મુક્તિ યુદ્ધમાં સામેલ પરિવારના સભ્યો માટે સરકારી નોકરીઓમાં અનામત નાબૂદ કરવાની માંગ કરી રહ્યા છે. પરંતુ, વડા પ્રધાન શેખ હસીના દ્વારા આનો સ્પષ્ટ ઇનકાર કરવામાં આવ્યો હતો, Quota Protest Bangladesh જેના પછી પ્રદર્શનો ઉગ્ર બન્યા હતા.
Quota Protest Bangladesh વિદ્યાર્થીઓએ કેમ્પસની બહાર સૂત્રોચ્ચાર કર્યા હતા
વિરોધ કરી રહેલા વિદ્યાર્થીઓએ બુધવારે ઢાકા યુનિવર્સિટી કેમ્પસની બહાર સૂત્રોચ્ચાર કર્યા હતા. વિરોધને ધ્યાનમાં રાખીને તમામ યુનિવર્સિટીઓ અનિશ્ચિતકાળ માટે બંધ રાખવાની જાહેરાત કરવામાં આવી છે. ઢાકા યુનિવર્સિટીએ પણ વિદ્યાર્થીઓને તેમની હોસ્ટેલ ખાલી કરવાનો આદેશ આપ્યો છે. આ સાથે જ વડાપ્રધાને હત્યાઓની ન્યાયિક તપાસની જાહેરાત કરી છે.
