Deodar News: દિયોદર તાલુકા પંચાયત કર્મચારી મંડળીના નવીન ચેરમેનની નિમણૂક કરવામાં આવી.
આજરોજ દિયોદર તાલુકા પંચાયત કર્મચારી મંડળીની ના સદસ્યોની બેઠક યોજાઈ જેમાં દિયોદર શાળા નંબર બે ના આચાર્ય તરીકે ફરજ બજાવતા પટેલ જામાભાઈ ની બિનહરીફ નવીન ચેરમેન તરીકે નિમણૂક કરવામાં આવી.
દિયોદરમાં પંથકમાં સેવાકીય પ્રવૃતિઓ માં હરહંમેશ આગળ રહેતા એવા શૈક્ષણિક પરિવાર ના લાડલા અને દિયોદર તાલુકાના નવા ના રહીશ દિયોદર શાળા નંબર 2 માં આચાર્ય તરીકે ફરજ બજાવતા પટેલ જામાભાઈ ટી ની આજરોજ યોજાયેલી બેઠકમાં દિયોદર તાલુકા પંચાયત કર્મચારી મંડળી માં ચેરમેન તરીકે બિન હરીફ વરણી થવા પામતાં તેમના મિત્ર વર્તુળમાં આનંદ ની લાગણી વ્યાપી છે.
આજરોજ મંડળીની બેઠક વર્તમાન ચેરમેન અમૃતભાઈ જોશીના અધ્યક્ષ સ્થાને મળેલ જેમાં તેઓએ સૌને આવકારેલ બાદમાં મંડળીના મંત્રી હસમુખભાઈ પુજારાએ હિસાબો રજૂ કરેલ તેમજ આગળની કાર્યવાહી હાથ ધરેલ
જેમાં નવીન ચેરમેન તરીકે જામાભાઈ ટી. પટેલ તથા વાઇસચેરમેન તરીકે દિયોદરની કરસનપુરા પ્રાથમિક શાળા નંબર-૧૧ ના શિક્ષક વસંતભાઈ લોઢા ની વરણી કરવામાં આવેલ બંનેને ઉપસ્થિત લોકોએ આવકારી અભિનંદન આપેલ.
શ્રી જામાભાઈ પટેલ વિવિધ સેવાકીય સંસ્થાઓ માં સેવાઓ આપી રહ્યા છે.જેમાં તેઓ દિયોદર તાલુકા શ્રી રાજેશ્ર્વર આંજણા મંડળના ઉપપ્રમુખ તરીકે સેવા આપી રહ્યા છે તેમજ ભારત વિકાસ પરિષદ તેમજ લાયન્સ કલબ દિયોદર ના પ્રમુખ તરીકે પણ અગાઉ સેવાઓ આપી ચૂકેલ છે તેઓ બનાસકાંઠા જિલ્લાના પ્રાથમિક શ્રેષ્ઠ શિક્ષક તરીકેનો એવોર્ડ પણ મેળવી ચૂક્યા છે તાજેતરમાં યોજાયેલા યોગ પરિષદમાં પણ યોગ ટેન્ટર તરીકે પતંજલીમાં સેવા આપી ચૂક્યા છે. સૌએ તેમને શુભેચ્છાઓ પાઠવી અભિનંદન આપેલ.
Deodar News : દિયોદરમાં ચોરો.. સલામત.. ત્રણ દુકાનોના તાળા તૂટયાં..
