Jain News : ડહેલાના સમુદાય પૂજ્ય આચાર્ય શ્રી સુરેન્દ્ર સૂરીશ્વરજી મહારાજા ના અંતિમ શિષ્ય અને 97 વર્ષીય ડહેલા ના સમુદાય ના વડીલ નાયક શ્રી સંઘ સૌભાગ્ય તિલક પૂજ્ય આચાર્ય શ્રી યશોભદ્રસૂરીશ્વરજી મહારાજા હાલમાં શ્રી સુરેન્દ્ર સિધ્ધાચલમ તીર્થ કુવાળા ખાતે બિરાજમાન છે.
પૂજ્યશ્રી ની તબિયત ની અનુકૂળતા માટે નમસ્કાર મહામંત્ર નો જાપ કરવા તેમજ આયંબિલ તપ કરવા પ્રેરણા
આજે સાંજે પૂજ્યશ્રી ની તબિયત નાદુરસ્ત થઈ છે જેને લઈને પૂજ્ય શ્રી ના શિષ્યરત્ન પૂજ્ય આચાર્ય શ્રી પિયુષભદ્ર સૂરીશ્વરજી મહારાજા એ સૌ ગુરુભક્તોને પૂજ્યશ્રી ની તબિયત ની અનુકૂળતા માટે નમસ્કાર મહામંત્ર નો જાપ કરવા તેમજ આયંબિલ તપ કરવા પ્રેરણા કરેલ છે.
અત્રે ઉલ્લેખનીય છે કે તારીખ 9 ના રોજ કુવાળા નગરે શ્રી જૈનસંઘના આંગણે સૌભાગ્ય તિલક પૂજ્યપાદ આચાર્યશ્રી યશોભદ્રસૂરીશ્વરજી મહારાજા ના ૭૯ મા દીક્ષા વર્ષ પ્રવેશની નિમિત્તે ભવ્ય ગુરૂ વધામણાનો કાર્યક્રમ યોજાયેલ. આ પ્રસંગે મોટી સંખ્યા માં ગુરુ ભક્તો ઉપસ્થિત રહી પૂજ્ય શ્રી ના આશીર્વાદ મેળવેલ.
