Summer Special Trains: ઉનાળાની રજાઓ શરૂ થઈ ગઈ છે અને તેની સાથે જ ટ્રેનોમાં ભીડ પણ વધી રહી છે. રેલવે મુસાફરોની સુવિધા માટે ભારતીય રેલવે સતત સમર સ્પેશિયલ ટ્રેનો ચલાવી રહી છે. આ શ્રેણીમાં, મુસાફરોની સુવિધા માટે અને વધારાની સંખ્યામાં મુસાફરોને સમાવવા માટે, પશ્ચિમ રેલવે બાંદ્રા ટર્મિનસ અને દિલ્હી વચ્ચે વિશેષ ભાડા પર સમર સ્પેશિયલ ટ્રેન ચલાવશે.
ટ્રેન નંબર 04006/04005 બાંદ્રા ટર્મિનસ દિલ્હી સુપરફાસ્ટ સ્પેશિયલ (08 ટ્રીપ્સ)
ટ્રેન નંબર 04006 બાંદ્રા ટર્મિનસ દિલ્હી સુપરફાસ્ટ સ્પેશિયલ બાંદ્રા ટર્મિનસથી 06, 08, 10 અને 12 જૂનના રોજ સવારે 4 વાગ્યે ઉપડશે. આ ટ્રેન બીજા દિવસે સવારે 6 વાગ્યે દિલ્હી પહોંચશે. એ જ રીતે, ટ્રેન નંબર 04005 દિલ્હી – બાંદ્રા, ટર્મિનસ સુપરફાસ્ટ સ્પેશિયલ દિલ્હીથી 04, 06, 08 અને 10 જૂનના રોજ 23.50 કલાકે ઉપડશે અને ત્રીજા દિવસે 01.55 કલાકે બાંદ્રા ટર્મિનસ પહોંચશે.
આ સ્ટેશનો પર ટ્રેન ઉભી રહેશે
આ ટ્રેન બંને દિશામાં બોરીવલી, સુરત, ભરૂચ, વડોદરા, આણંદ, નડિયાદ, અમદાવાદ, ગાંધીનગર કેપિટલ, પાલનપુર, આબુ રોડ, ફાલના, અજમેર, જયપુર, અલવર, રેવાડી, ગુડગાંવ અને દિલ્હી કેન્ટ સ્ટેશનો પર ઉભી રહેશે. આ ટ્રેનમાં 3 ટાયર કોચ હશે.
આજથી બુકિંગ શરૂ
ટ્રેન નંબર 04006નું બુકિંગ 5 જૂનથી તમામ PRS કાઉન્ટર અને IRCTCની વેબસાઇટ પર શરૂ થશે. મુસાફરો www.enquiry.indianrail.gov.in ની મુલાકાત લઈને ટ્રેનોના સ્ટોપેજના સમય અને બંધારણ અંગે વિગતવાર માહિતી મેળવી શકે છે.
