IPL 2024: રોયલ ચેલેન્જર્સ બેંગ્લોરની ટીમ સતત 6 જીત સાથે IPL 2024ના પ્લેઓફમાં પહોંચી ગઈ છે. રોયલ ચેલેન્જર્સ બેંગ્લોરે ચેન્નાઈ સુપર કિંગ્સ સામે રમાયેલી મેચમાં 27 રને જીત મેળવી હતી. આ મેચ દરમિયાન રોયલ ચેલેન્જર્સ બેંગ્લોરના બેટ્સમેનોએ એક મોટો રેકોર્ડ પોતાના નામે કર્યો હતો. એક એવો રેકોર્ડ જે IPLમાં કોઈ ટીમ બનાવી શકી નથી.
IPLમાં RCBનો મોટો રેકોર્ડ
રોયલ ચેલેન્જર્સ બેંગ્લોરે ચેન્નાઈ સુપર કિંગ્સ સામે રમાયેલી મેચમાં કુલ 16 છગ્ગા ફટકાર્યા હતા. આ સાથે રોયલ ચેલેન્જર્સ બેંગ્લોરે IPL 2024માં 157 સિક્સ ફટકારી છે. તમને જણાવી દઈએ કે રોયલ ચેલેન્જર્સ બેંગ્લોર IPLના ઈતિહાસમાં એક સિઝનમાં 150 સિક્સ મારનારી પહેલી ટીમ બની ગઈ છે. અગાઉ આ યાદીમાં સનરાઈઝર્સ હૈદરાબાદની ટીમ નંબર વન પર હતી. સનરાઇઝર્સ હૈદરાબાદે એક જ સિઝનમાં 146 સિક્સર ફટકારીને આ રેકોર્ડ બનાવ્યો હતો. પરંતુ હવે રોયલ ચેલેન્જર્સ બેંગ્લોરની ટીમ તેમનાથી આગળ નીકળી ગઈ છે.
IPLની એક સિઝનમાં સૌથી વધુ છગ્ગા મારનાર ટીમ
- 157 છગ્ગા – રોયલ ચેલેન્જર્સ બેંગ્લોર (2024)
- 146 સિક્સ – સનરાઇઝર્સ હૈદરાબાદ (2024)
- 145 છગ્ગા – ચેન્નાઈ સુપર કિંગ્સ (2018)
- 143 છગ્ગા – કોલકાતા નાઈટ રાઈડર્સ (2019)
- 142 છગ્ગા – રોયલ ચેલેન્જર્સ બેંગ્લોર (2016)
- 140 છગ્ગા – મુંબઈ ઈન્ડિયન્સ (2023)
આરસીબીએ ચોથી વખત આ કારનામું કર્યું છે
રોયલ ચેલેન્જર્સ બેંગ્લોરની ટીમે સતત 6 મેચ જીતી છે. IPLમાં આ ચોથી વખત છે જ્યારે RCBએ એક સિઝનમાં સતત 5 કે તેથી વધુ મેચ જીતી હોય. ખાસ વાત એ છે કે આ તમામ અવસર પર RCBની ટીમ ફાઇનલમાં પહોંચી છે. આવી સ્થિતિમાં રોયલ ચેલેન્જર્સ બેંગ્લોરની નજર આ વખતે પણ ફાઇનલમાં પહોંચવા પર હશે. તમને જણાવી દઈએ કે RCB એક વખત પણ IPL ટાઈટલ જીતી શક્યું નથી.
IPLમાં RCBની સતત સૌથી વધુ જીત
- 2011માં સતત 7 જીત (ઉપવિજેતા)
- 2024માં સતત 6 જીત
- 2009માં સતત 5 જીત (ઉપવિજેતા)
- 2016માં સતત 5 જીત (ઉપવિજેતા)
