Nijjar Murder Case : કેનેડાના સરેમાં ખાલિસ્તાની કાર્યકર્તા હરદીપ સિંહ નિજ્જરની હત્યામાં લોરેન્સ બિશ્નોઈનું નામ સામે આવ્યું છે. કેનેડાની રોયલ મોન્ટ્રીયલ પોલીસે આ કેસમાં ત્રણ લોકોની ધરપકડ કરી છે. કેનેડાની સીબીસી ન્યૂઝ ચેનલ અનુસાર, કેનેડાની પોલીસે આ મામલામાં ત્રણ ભારતીય યુવકોની ધરપકડ કરી છે, જેઓ 2021માં વિઝિટર વિઝા પર કેનેડા આવ્યા હતા, જેમાં હરદીપ સિંહ નિઝારની હત્યા કરનાર શૂટર, ડ્રાઈવર અને તેના સાથીનો સમાવેશ થાય છે. આ સંદર્ભમાં પ્રાપ્ત માહિતી અનુસાર, ધરપકડ કરાયેલા લોકો કરણ બ્રાર, કમલપ્રીત સિંહ અને કરણપ્રીત સિંહ હોવાનું કહેવાય છે. આ ધરપકડો એક વર્ષમાં કરવામાં આવી છે.
નિજ્જરની હત્યામાં ભારતીય ગુપ્તચર એજન્સી RAWનો હાથ હતો
અગાઉ સમાચાર આવ્યા હતા કે નિજ્જરની હત્યામાં ભારતીય ગુપ્તચર એજન્સી RAWનો હાથ હતો અને તેના એક એજન્ટની ધરપકડ થઈ ચૂકી છે. કેનેડાના સીબીસી ન્યૂઝના સૂત્રોના જણાવ્યા અનુસાર આ ત્રણ લોકોની અલ્બર્ટાના એડમોન્ટન શહેરમાંથી ધરપકડ કરવામાં આવી છે. સીબીસીની સાથે અન્ય કેનેડિયન મીડિયા સંસ્થા ‘બાઝ’એ પણ દાવો કર્યો છે કે આ ત્રણ લોકો લોરેન્સ બિશ્નોઈ સાથે સંબંધિત છે.
જૂન 2023માં નિજ્જરની હત્યા કરવામાં આવી હતી
ખાલિસ્તાની આતંકવાદી હરદીપ સિંહ નિજ્જર, 45, 18 જૂન, 2023 ના રોજ, મોટી શીખ વસ્તી ધરાવતા વાનકુવર ઉપનગર, સરેમાં શીખ ગુરુદ્વારાની બહાર માર્યા ગયા હતા, જ્યાં નિજ્જરને અજાણ્યા હુમલાખોરો દ્વારા ગોળી મારીને હત્યા કરવામાં આવી હતી. નિજ્જર ભારત દ્વારા જાહેર કરાયેલ ખાલિસ્તાની આતંકવાદી હતો. તે ભારતમાં અનેક આતંકવાદી ઘટનાઓમાં સામેલ હતો. કેનેડાના પીએમ જસ્ટિન ટ્રુડોએ આ હત્યા પાછળ ભારતીય ગુપ્તચર અધિકારીઓનો હાથ હોવાનો આરોપ લગાવ્યો હતો. આ સાથે કેનેડા ભારત પર તેની તપાસમાં સહયોગ આપવા દબાણ કરી રહ્યું હતું.
પરંતુ ભારતે આ આરોપને વાહિયાત ગણાવીને ફગાવી દીધો હતો. તેના થોડા સમય પછી, યુએસએ દાવો કર્યો કે તેણે તેની ધરતી પર શીખ અલગતાવાદી ગુરપતવંત સિંહ પન્નુની હત્યાના પ્રયાસને નિષ્ફળ બનાવ્યો હતો. અમેરિકાએ આ માટે ભારતીય અધિકારીઓને પણ જવાબદાર ઠેરવ્યા હતા. ભારત આ મામલે ઉચ્ચ સ્તરીય તપાસ કરી રહ્યું છે.
