Fortuner Leader: SUV સેગમેન્ટના રાજા તરીકે ઓળખાતી Toyota Fortunerને સંપૂર્ણપણે નવી શૈલીમાં રજૂ કરવામાં આવી છે. ટોયોટા કિર્લોસ્કર મોટરે આજે ભારતીય બજારમાં નવી ટોયોટા ફોર્ચ્યુનર લીડર એડિશન લોન્ચ કરી છે. આ નવા લીડર એડિશનમાં, કંપનીએ કેટલાક કોસ્મેટિક ફેરફારો કર્યા છે જે તેને નિયમિત મોડલથી અલગ બનાવે છે.
જોકે કંપનીએ ફોર્ચ્યુનર લીડરની કિંમત જાહેર કરી નથી. કંપનીનું કહેવું છે કે કિંમતોની જાહેરાત ડીલર સ્તરે કરવામાં આવશે. રસ ધરાવતા ગ્રાહકો અધિકૃત ડીલરશિપ દ્વારા આ SUV બુક કરી શકે છે. આ માટે ગ્રાહકોએ બુકિંગ રકમ તરીકે 50,000 રૂપિયા જમા કરાવવાના રહેશે. તમને જણાવી દઈએ કે ટોયોટા ફોર્ચ્યુનરને પહેલીવાર વર્ષ 2009માં લોન્ચ કરવામાં આવી હતી. ત્યારથી, કંપનીએ 2,51,000 કરતાં વધુ એકમોનું વેચાણ કર્યું છે.
ફોર્ચ્યુનર લીડરમાં શું ખાસ છે:
ટોયોટા ફોર્ચ્યુનરની નવી લીડર એડિશનમાં, કંપનીએ ડ્યુઅલ-વન એક્સટીરિયર પેઇન્ટ, બ્લેક-આઉટ એલોય વ્હીલ્સ, વાયરલેસ ચાર્જર, ટાયર પ્રેશર મોનિટરિંગ સિસ્ટમ, આગળ અને પાછળના બમ્પર સ્પોઇલર આપ્યા છે. કલર વિકલ્પોમાં બ્લેક રૂફ સાથે સુપર વ્હાઇટ, બ્લેક રૂફ સાથે પ્લેટિનમ પર્લ અને બ્લેક રૂફ સાથે સિલ્વર મેટાલિકનો સમાવેશ થાય છે.
શક્તિ અને પ્રદર્શન:
લીડર એડિશનને સ્પોર્ટી ડિઝાઈન આપવાની સાથે તેમાં 2.8 લિટર ક્ષમતાનું ડીઝલ એન્જિન આપવામાં આવ્યું છે. આ એન્જિન 6-સ્પીડ મેન્યુઅલ અને ઓટોમેટિક ટ્રાન્સમિશન ગિયરબોક્સ સાથે જોડાયેલું છે. મેન્યુઅલ મોડમાં આ એન્જિન 204 PSનો પાવર અને 420 Nmનો ટોર્ક જનરેટ કરે છે. જ્યારે ઓટોમેટિક ટ્રાન્સમિશન વેરિઅન્ટ 500 Nmનો ટોર્ક જનરેટ કરે છે.
