Gujarat News: વર્ધમાન તપોનીધી પૂજ્ય આચાર્ય શ્રી ભક્તિ સુરીશ્વરજી મહારાજા ના સમુદાયના નુતન ગચ્છાધિપતિ અને શ્રી ગુરૂપ્રેમના આજીવન ચરણો પાસક પૂજ્ય આચાર્ય શ્રી કુલચંદ્ર સૂરીશ્વરજી કેસી મહારાજા આદિ ઠાણા સાધુ સાધ્વીજી ભગવંતો પૂજ્ય શ્રી ની ગચ્છાધિપતિ શ્રી ની પદવી બાદ પ્રથમવાર મુંબઈ મહાનગરમાં પધાર્યા. જેને લઈને તારીખ 9 એપ્રિલના રોજ પૂજ્યશ્રીનો મુંબઈ મધ્યે બોરીવલી જૈન સંઘ માં મંગળ પ્રવેશ યોજાયો.
ચીકુવાડી ખાતે પૂજ્યશ્રી નો મંગળ પ્રવેશ અને નુતન જીનાલય ના ભૂમિ વધામણાં કાર્યક્રમ
જેના અનુસંધાનમાં શ્રી ગીતાંજલિ જૈન સંઘથી પૂજ્યશ્રીનો ભવ્ય સામૈયું યોજાયું જેમાં મોટી સંખ્યામાં ગુરુભક્તો ઉપસ્થિત રહ્યા. ત્યાર બાદ ચીકુવાડી ખાતે પૂજ્યશ્રી નો મંગળ પ્રવેશ અને નુતન જીનાલય ના ભૂમિ વધામણાં કાર્યક્રમ યોજાયો. જેમાં લાભાર્થી સુરભિ પરિવાર ના સદસ્યો દ્વારા અત્યંત આનંદ થી ભૂમિ ના અને ગુરુજી ના વધામણાં કરવામાં આવ્યા.
કેન્દ્રીય મિનિસ્ટર અશ્વિની વૈષ્ણવે પૂજ્ય શ્રી ના આશીર્વાદ લીધા
આ પ્રસંગે કેન્દ્રીય મિનિસ્ટર અશ્વિની વૈષ્ણવ ઉપસ્થિત રહી પૂજ્ય શ્રી ને વંદના કરેલ. ત્યારબાદ બપોરે પધારેલ સર્વ ની સાધર્મિક ભક્તિ યોજાયેલ.
