સણાદર ખાતે માળી ત્રાગડ સોની સમાજ દ્વારા ટુર્નામેન્ટ યોજાઈ:

દિયોદર સણાદર મધ્યે તા.૩/૧/ર૦ર૦ના રોજ માળી ત્રાગડ સોની સમાજ દ્વારા એક દિવસીય ક્રિકેટ ટુર્નામેન્ટનું આયોજન કરવામાં આવ્યું હતું.

જેમાં કુલ ૬ ટીમોએ ભાગ લીધો હતો. જેમાં સેમી ફાઈનલમાં દિયોદર અને ભાભર વચ્ચે શાનદાર મુકાબલો થયો હતો.

જેમાં દિયોદરની ટીમનો વિજય થવા પામેલ દીઓદરના વતી કેપ્ટન અલ્પેશ સોનીએ ૮૭ રન ફટકારેલ.

જ્યારે રાધનપુરની સામે ટુર્નામેન્ટની પ્રથમ મેચમાં એકમાત્ર ટુર્નામેન્ટની સેન્ચુરી રોહિત આર.સોની (તલાટી) એ ફટકારેલ.

ફાઈનલ મેચમાં સણાદર ના મહંતશ્રી અંકુશગીરી બાપૂ સહીત મહાનુભાવોના હસ્તે દીપ પ્રાગટ્ય કરવામાં આવેલ.

યોજાયેલ સમારોહમાં સમાજના પ્રમુખ દેવેન્દ્રભાઈ સોની, મંત્રી જયેશભાઈ સોની, આદિએ સૌને આવકારેલ. ટુર્નામેન્ટના આયોજક અલ્પેશ સોની (સર્વેયર) રોહિત સોની (તલાટી) જીગ્નેશ સોની (સર્વેયર) આદિએ સુંદર આયોજન કરેલ.

વિજેતા ટીમને સરપંચશ્રી ગીરીરાજસિંહ વાઘેલા તથા મહાનુભાવોના હસ્તે ટ્રોફી આપી સન્માનીત કરવામાં આવેલ.

સારો દેખાવ કરનાર દરેક ખેલાડીઓને પ્રોત્સાહીત કરવામાં આવેલ.

પધારેલ મહેમાનોનું દીઓદર સોની સમાજ દ્વારા શાલ ઓઢાડી બહુમાન કરવામાં આવેલ.

આ પ્રસંગે માળી ત્રાગડ સોની સમાજના અગ્રણીઓ ઉપસ્થિત રહેલ.,

ત્રાગડ સોની સમાજના ઉપ પ્રમુખ ધીરૂભાઈ સોની (રૈયા) એ ભોજનનો ઉમદા લાભ લીધેલ.