મામલો શું છે
કોલકાતા હાઈકોર્ટના જજ જસ્ટિસ અભિજીત ગંગોપાધ્યાયે આરોપ લગાવ્યો છે કે તેમના સહયોગી જજ સોમેન સેન એક રાજકીય પાર્ટી માટે કામ કરી રહ્યા છે. જસ્ટિસ અભિજિત ગંગોપાધ્યાયની આગેવાની હેઠળની સિંગલ જજની બેન્ચે મેડિકલ એડમિશનમાં કથિત અનિયમિતતાની સીબીઆઈ તપાસનો આદેશ આપ્યો હતો. જેના પર જસ્ટિસ સોમેન સેનની અધ્યક્ષતાવાળી ડિવિઝન બેન્ચે પ્રતિબંધ મૂક્યો હતો. આના પર જસ્ટિસ અભિજીતે ડિવિઝન બેંચના સીબીઆઈ તપાસ પર રોક લગાવવાના આદેશ છતાં ફરીથી સીબીઆઈ તપાસનો આદેશ આપ્યો હતો અને સુપ્રીમ કોર્ટને પણ આ મામલાની તપાસ કરવાની અપીલ કરી હતી. જે બાદ હવે સુપ્રીમ કોર્ટ આ કેસની સુનાવણી કરશે.
જસ્ટિસ ગંગોપાધ્યાયે જસ્ટિસ સોમેન સેનની કથિત ખાનગી ચેટનો પણ ખુલાસો કર્યો હતો, જેમાં તેમણે જસ્ટિસ અમૃતા સિન્હાને તેમની ચેમ્બરમાં બોલાવ્યા હતા અને કહ્યું હતું કે અભિષેક બેનર્જીનું રાજકીય ભવિષ્ય છે અને તેમને હેરાન ન થવું જોઈએ. જસ્ટિસ સિંહાએ કલકત્તા હાઈકોર્ટના ચીફ જસ્ટિસને આ મામલાની જાણકારી આપી હતી. કલકત્તા હાઈકોર્ટના ચીફ જસ્ટિસે બાદમાં દેશના ચીફ જસ્ટિસને આ અંગે જાણ કરી હતી.
