ભીલડીયાજી તીર્થ ના આંગણે પરમ પૂજ્ય આચાર્ય શ્રી યશોવર્મ સૂરીશ્વરજી મહારાજ સાહેબ ની પાવન નિશ્રામાં સંવત ૨૦૭૭ ના નવા વર્ષના પ્રારંભમાં ગૌતમ સ્વામી નો રાસ, ભકતામર મહાપૂજન, શક્રસ્તવ અભિષેક યોજાયેલ.
આ પ્રસંગે સુરતના ડેપ્યુટી મેયર શ્રી નિરવભાઈ શાહ ઉપસ્થિત રહેલ, તેમણે જીવદયા ની કૂપન નો સારી બોલીથી લાભ લઇ શુભારંભ કરાવેલ તેમજ તેમના તથા ટ્રસ્ટીઓના હસ્તે આજના સ્વામીવાત્સલ્યના લાભાર્થી પરિવાર નું બહુમાન થયેલ.
પૂજ્ય ગુરૂ ભગવંતતે નીરવ શાહ ને આશીર્વચન આપેલ.
તેમણે સૌને આપણા બનાસકાંઠાના આવા રાજકીય આગેવાનો તેમજ જીવદયા ક્ષેત્રે અદ્ભુત સેવા આપતા ભરતભાઈ કોઠારી (ડીસા) જેવા સૌની અનુમોદના અને પ્રોત્સાહિત કરવા માટે જણાવેલ.
નીરવ શાહે સુરત મધ્યે પણ ભક્તામર મહાપૂજન યોજવાની જાહેરાત કરેલ. પૂજ્યશ્રીએ સૌને ગૌતમ સ્વામી નો મંત્ર આપેલ.
ચાતુર્માસ દરમિયાન પૂજ્ય ગુરુ ભગવંતો ને શ્રુતજ્ઞાન પીરસનાર પંડિતવર્ય દિનેશભાઈ મહેતા તથા પંડિતવર્ય હાર્દિકભાઈ મહેતા ને પૂજ્ય શ્રી એ વાસક્ષેપ નાખી આશીર્વચન આપેલ.
આ પ્રસંગે ભીલડી ના પી.એસ.આઇ પધારેલ અને નૂતન વર્ષમાં પૂજ્ય ગુરુ ભગવંતો ના આશીર્વાદ લીધેલ.
BHILDI, JAIN, SURAT DY.MAYOR NIRAV SHAH, PSI,
