અમદાવાદના સાબરમતી રેલવે સ્ટેશનમાં ચાલી રહેલ ટેકનિકલ કારણોસર રેલવે વ્યવહારને અસર થઇ છે. જેને લઈને ઘણી ટ્રેનોને જુદા જુદા રૂટ પર ડાયવર્ટ કરવામાં આવી છે. જેમાં સાબરમતીથી ઉપડતી ભાવનગર-સાબરમતી ઈન્ટરસિટી ટ્રેન તા. 16 જાન્યુઆરી એટલે કે આજથી એક મહિનાં સુધી ગાંધીગ્રામ સ્ટેશનેથી ઉપડશે. જેને લઈને આ ટ્રેન ગાંધીગ્રામ અને સાબરમતી વચ્ચે રદ્દ રહેશે.
આજથી એટલે કે તા. 16 જાન્યુઆરીથી 15 ફેબ્રુઆરી સુધી ટ્રેન નંબ 20965/ 20966 ભાવનગર-સાબરમતી- ભાવનગર ઈંટરસિટી એક્સપ્રેસ ભાવનગરથી ગાંધીગ્રામ અને ગાંધીગ્રામથી ભાવનગર વચ્ચે દોડશે. અને આ ટ્રેનનું આગમન પ્રસ્થાન સાબરમતી સ્ટેશન પર નહીં થાય.
મુસાફરોને સમસ્યા ન થાય તે માટે રેલવે વિભાગ દ્વારા પહેલાથી આ વિષે જાહેરાત પણ કરવામાં આવી હતી. જેથી યાત્રિઓ સાબરમતી રેલવે સ્ટેશને આવીને ધક્કો ન ખાવો પડે.
