ગાંધીનગર ખાતે મુખ્યપ્રધાનની અધ્યક્ષતામાં કેબિનેટ બેઠક

• વાયબ્રન્ટ ગુજરાતની તૈયારીઓ‌ અને કોરોના કેસ અંગે પણ ચર્ચા કરાશે

ગાંધીનગર ખાતે મુખ્યપ્રધાનની અધ્યક્ષતામાં કેબિનેટ બેઠક આજે મળનાર છે. સીએમ ભૂપેન્દ્ર પટેલ કચ્છ પ્રવાસે હોવાથી આજે સાંજે કેબિનેટ બેઠક યોજાઈ રહી છે. જેમાં વાયબ્રન્ટ ગુજરાત સમિટને લઈ કેબિનેટમાં ચર્ચા કરવામાં આવશે. તેમજ વાયબ્રન્ટ ગુજરાતની તૈયારીઓ સાથે મહેમાનોના સંદર્ભે પણ સમિક્ષા અને આ ઉપરાંત રાજ્યમાં વધતા કોરોના કેસ અંગે પણ ચર્ચા કરાશે. તેમજ રાજ્યમાં આવનાર બજેટ સત્રની તૈયારીઓની પણ સમિક્ષા કરવામાં આવશે. તો ગિફ્ટ સિટીમાં અપાયેલી દારૂની છૂટ સંદર્ભે પણ ચર્ચા કરવામાં આવશે.