પંજાબમાં એન્ટી ગેંગસ્ટર ટાસ્ક ફોર્સ સાથે અથડામણ ગેંગસ્ટર પંજાબ પોલીસનો મોસ્ટ વોન્ટેડ

• ગેંગસ્ટર તરણજીત સિંહને બે ગોળી વાગતા હોસ્પિટલમાં દાખલ

પંજાબમાં એન્ટી ગેંગસ્ટર ટાસ્ક ફોર્સ સાથે અથડામણનો‌ બનાવ બન્યો છે.. તરણજીત સિંહને બે ગોળી વાગતાં તેમને હોસ્પિટલમાં દાખલ કરવામાં આવ્યા છે.

પંજાબના મોહાલી જિલ્લામાં પોલીસ અને આતંકવાદી હરવિંદર રિંદાના સાગરિત વચ્ચે અથડામણ થવા પામી હતી. ઝીરકપુરમાં થયેલી અથડામણમાં આતંકવાદી હરવિન્દર રિંદાના ગુલામ તરનજીત સિંહને બે ગોળી વાગતા તેઓ ઘાયલ થયા છે. જાણવા મળ્યું છે કે ગેંગસ્ટર તરનજીત સિંહે પોલીસ કસ્ટડીમાંથી ભાગવાનો પ્રયાસ કર્યો હતો. જીરકપુરના પીરે મુછલ્લામાં હથિયારો છુપાવ્યા હતા. પોલીસ ગેંગસ્ટરને તે જ સ્થળે લઈ ગઈ હતી.

તરનજીત સિંહ વિરુદ્ધ પંજાબમાં હત્યા અને ખંડણીના છ કેસ નોંધાયેલા છે. આ ગેંગસ્ટર પંજાબ પોલીસનો મોસ્ટ વોન્ટેડ રહ્યો છે. તરનજીતને હોસ્પિટલમાંથી રજા અપાયા બાદ એન્ટી ગેંગસ્ટર ટાસ્ક ફોર્સ તેને કસ્ટડીમાં લઈ શકે છે. અને તેની પૂછપરછ કરશે. પૂછપરછ દરમિયાન ગેંગસ્ટર પાસેથી ઘણા મહત્વના ખુલાસા થવાની સંભાવના વધી છે..