રાજ્યના પાટણના ફાગલીથી ચારણકા ગામ ગંભીર અકસ્માતની ઘટના સામે આવી છે. સાંતલપુર તાલુકાના ફાગલી ગામ પાસે કાર સાઈડમાં ઉતરીને પાણી ભરેલા ખાડામાં પછડાતા આ અકસ્માત સર્જાયો છે. હાઈવે પર પ્રાણીને બચાવવા જતા કાર ચાલકે સ્ટીયરીંગ પર કાબૂ ગુમાવ્યો હતો અને કાર સાઈડમાં પલ્ટી ખાઈ ગઈ હતી. વાત એવી છે કે સાંતલપુર નજીક માર્ગ અકસ્માતની ઘટનામાં લગ્નમાં જઈ રહેલા એક જ પરિવારના ચાર લોકોના મોત થયા છે. આ સાથે ત્રણ લોકોને ઇજા પહોંચતા તાત્કાલિક સારવાર અર્થે ખસેડવામાં આવ્યા હતા. પ્રાથમિક વિગતો મુજબ માર્ગ પર જંગલી પશુ આવી જતા ચાલકે કાબૂ ગુમાવતા અકસ્માત સર્જાયો હતો.
આ ઘટનામાં ચાર લોકોના ઘટનાસ્થળ પર જ મોત નિપજ્યા હતા, તો અન્ય ત્રણ લોકો ઘાયલ થયા હતા. ફાંગલી ગામનો જોશી પરિવાર લગ્નમાં જઈ રહ્યો હતો તે દરમ્યાન અકસ્માત સર્જાયો હતો. અકસ્માતની જાણ થતાં જ ગ્રામજનો દોડી આવ્યા હતા. ઘાયલોનો એમ્બ્યુલન્સના મારફતે હોસ્પિટલ ખસેડવામાં આવ્યા હતા.
