અમદાવાદ ફ્લાવર સોને લઈને મનપાએ ટેન્ડર બહાર પાડ્યું

• 1 જાન્યુઆરીથી જુદી જુદી થીમ સાથે ફ્લાવર શો નું આયોજન

અમદાવાદ રિવરફ્રન્ટ ખાતે દર વર્ષે યોજાતા ફ્લાવર શૉ એ લોકોમાં આકર્ષણ જમાવ્યું છે.. ત્યારે ફ્લાવર શો અને લઈને મોટા સમાચાર સામે આવ્યા છે. અમદાવાદના રિવરફ્રન્ટ ખાતે 1 જાન્યુઆરીથી ફ્લાવર શૉ શરૂ થવા જઈ રહ્યો છે.

ત્યારે અમદાવાદ મનપાએ સ્કલ્પચર બનાવવા ટેન્ડર બહાર પાડ્યું છે. મહત્વનું છે કે, આ વખતે ફ્લાવર શૉ માં 5.45 કરોડના ખર્ચે 33 સ્કલ્પચર બનાવાનું આયોજન કરવામાં આવ્યું છે..

અમદાવાદની સાબરમતી નદીના કિનારે રિવરફ્રન્ટ ખાતે દર વર્ષે 1 જાન્યુઆરી થી ફ્લાવર શૉ યોજાય છે. જેને લઈ મોટી સંખ્યામાં લોકો આ ફ્લાવર શૉ જોવા ઉમટી પડે છે. આ વર્ષે SOU, સૂર્ય મંદિર, સંસદ ભવન સહિતના સ્કલ્પચર તૈયાર કરવામાં આવનાર છે. તેમજ મોઢેરા સૂર્ય મંદિરનું 5 મીટર ઉંચુ સ્કલ્પચર બનાવવા પાછળ 43 લાખનો ખર્ચ પણ થશે.. આ સાથે ચંદ્રયાન -3, GSLV MK 3 રોકેટ, વડનગરના કિર્તિ તોરણનું સ્કલ્પચર પણ બનાવાશે. આ તમામ સ્કલ્પચર 5.45 કરોડના ખર્ચે બનશે.. જે આયોજનને ધ્યાને લઇ અમદાવાદ મનપાએ ટેન્ડર બહાર પાડ્યું છે.