દીઓદર-ખીમાણા હાઈવે રોડ ઉપર સણાદર અને રૈયા વચ્ચે સ્વીફટ ગાડી અને બાઈક વચ્ચે ગમખ્વાર અકસ્માત સર્જાયો હતો.
જેમાં ખીમાણા તરફ થી સ્વીફટ ગાડી નં. જી.જે.૦૮ બી.એફ ૯૩૭પ પુર ઝડપે આવી રહેલ તે દરમ્યાન પુરઝડપે જઈ રહેલ બાઈક ચાલક ને અડફેટે લીધેલ અને સ્ટેરીંગ પરનો કાબુ ગુમાવતાં લીમડા ના ઝાડને ગાડી ટકરાવેલ.
આ દરમીયાન બાઈક ચાલક જયરામભાઈ મહારાજ રહે.ઢીમા ઉ.વ.૬૦ ને જોરદાર ટક્કર લાગતાં શરીરના ભાગે ગંભીર ઈજાઓ થતાં આજુબાજુ ના લોકો એ ૧૦૮ ને જાણ કરતાં ૧૦૮ દ્વારા રેફરલ હોસ્પીટલમાં ખસેડેલ જ્યાં સારવાર દરમ્યાન મોત નીપજેલ છે.
આ સાથે બાઈક સવાર રેવાભાઈ દરઘાભાઈ ને પણ ગંભીર ઈજાઓ થતાં રેફરલ માં સારવાર આપ્યા બાદ વધુ સારવાર માટે આગળ લઈ જવામાં આવેલ. તેમજ સ્વીફટ ગાડીમાં સવાર છ જણ ને નાની મોટી ઈજાઓ થઈ હતી
જે તમામ ને તાત્કાલીક દીઓદર રેફરલમાં સારવાર આપ્યા બાદ વધુ સારવાર માટે આગળ લઈ જવામાં આવેલ છે.
મળતી માહિતી મુજબ સ્વીફટ ગાડી માં સવાર તમામ દીઓદર તાલુકા વખા ગામના હોવાનું જાણવા મળેલ છે.
Read More:
