દિયોદર વિસ્તારમાં સતત સેવાકીય કાર્યોમાં અગ્રેસર રહેનાર લાયન્સ ક્લબ દિયોદર દ્વારા દિપાવલી પર્વના અવસરે તમામ ઘરોમાં અજવાળું પથરાય, તમામ કુટુંબમાં તહેવારોની ઉજવણી આનંદ પુર્વક થાય તે હેતુથી મીઠાઈ વિતરણ કરવામાં આવ્યું.
લાયન્સ દિયોદર દ્વારા દિયોદર વિસ્તારમાં અંદાજિત 300 જેટલા પરિવારોમાં મીઠાઈ તેમજ ફરસાણ વિતરણ કરવામાં આવ્યું.
આ પ્રસંગે લાયન્સ ક્લબ પ્રમુખ જાણીતા એડવોકેટ બી.કે. જોશી તેમજ સેક્રેટરી જામાભાઈ પટેલ તેમજ ખજાનચી ચીનાજી ડાભી તેમજ પ્રોજેક્ટ ચેરમેન હેમંતભાઈ ત્રિવેદી, પૂર્વ પ્રમુખ અમૃતભાઈ ભાટી તેમજ દશરથભાઈ નાઈ, ભરતભાઈ ઠાકોર, કરસનભાઈ પઢાર, હિંમતભાઈ સુથાર સહિતના સભ્યો હાજર રહી મીઠાઈનું વિતરણ કરવામાં આવ્યું.
લાયન્સ ક્લબની આ પ્રવૃત્તિથી દિયોદર વિસ્તારના કેટલાય ઘરોમાં દિવાળીની ઉજવણી આનંદથી થશે.
