જૈન સમાજ ના સાધુ ભગવંતો તેમજ સાધ્વીજી ભગવંતો, મુમુક્ષુઓ તેમજ પાઠશાળા માં અભ્યાસ કરાવતા પંડિતવર્યો ની સંસ્થા શ્રી જિન જ્ઞાન ભક્તિ ચેરીટેબલ ટ્રસ્ટ દ્વારા
ટૂંક સમય પહેલા અવસાન પામેલા પંડિતવર્ય શ્રી દિનેશચંદ્ર કાંતિલાલ રાઘવાણી ઉંદરાવાળા નું જ્ઞાનોત્તર બહુમાન યોજાયું
શ્રી ગૌતમ સ્વામી જૈન સંઘ વાસણા અમદાવાદ મધ્યે ગુરુ પ્રેમ ના આજીવન ચરણોપાસક પૂજ્ય ગચ્છાધિપતિ આચાર્ય શ્રી કુલચંદ્ર સૂરીશ્વરજી (કે.સી) મહારાજા આદિ ઠાણા ની પ્રેરક નિશ્રામાં સ્વર્ગીય પંડિત શ્રી દિનેશચંદ્ર કાંતિલાલ રાઘવાણી ઉંદરાવાળાના પરિવારને જ્ઞાનોત્તર બહુમાન પત્ર તથા રૂપિયા બે લાખનો ચેક લાભાર્થી પરિવાર તથા પંડિતવર્યો ની ઉપસ્થિતિ માં અર્પણ કરવામાં આવ્યું.
આ પ્રસંગે સમાજના શ્રેષ્ઠીઓ ચીનુભાઈ ગુંજારીયા, ધીરજભાઈ શાહ, પંડિતવર્ય વસંતભાઈ, ભાઇલાલભાઇ, અરવિંદભાઇ, પરેશભાઈ, કમલેશભાઇ, દિલીપભાઇ આદિ અનેક પંડિતવર્યોના સ્વર્ગીય પંડિત દિનેશચંદ્ર કાંતિલાલ રાઘવાણી ઉંદરાવાળાના પરિવારને જ્ઞાનોત્તર બહુમાન પત્ર હસ્તે અર્પણ કરવામાં આવ્યો.
પંડિત દિનેશચંદ્ર કાંતિલાલ રાઘવાણી ઉંદરાવાળા તેમના કાર્યકાળ દરમિયાન 11 જેટલા મુમુક્ષુઓને સંયમ માર્ગમાં સહાયક બન્યા હતા. તેમજ અનેક લોકોને જ્ઞાન દાન કરી ઉતકૃષ્ઠ શાસન ભક્તિ કરેલ જેની સૌએ અનુમોદના કરેલ.
