આજથી પવિત્ર શ્રાવણ માસનો પ્રારંભ થયો છે ત્યારે સુદામાનગરી પોરબંદરમાં શિવનાદ જોવા મળ્યો હતો. આજે પ્રાત:કાલથી શિવ મંદિરોમાં શિવભકતો ઉમટી પડયા હતાં. દેવાધીદેવ મહાદેવને જલાભિષેક, દુધ, બિલ્વપત્ર ચડાવી ઓમ: નમશિવાયનાં મંત્ર સાથે પુજા-અર્ચના કરી હતી. સવારનાં સમયે શિવ પૂજા અને સાંજે શિવશણગારનાં દર્શનનો આયોજન કરવામાં આવ્યું છે. આજથી શ્રાવણમાસનો પ્રારંભ થયો છે. ત્યારે શિવાલયોને ધજા પતાકા અને રોશનીનો શણગાર કરવામાં આવ્યો છે. સમગ્ર શ્રાવણમાસ દરમિયાન શિવભકિતનો સાગર છલકાશે. તેમજ દર સોમવારે શિવજીનાં વિવિધ સ્વરૂપોના દર્શનનો આયોજન કરવામાં આવ્યું છે. પોરબંદર શહેરમાં પૌરાણીક ચાડેશ્વર, ધીંગેશ્વર, ભાવેશ્વર, કેદારેશ્વર, જડેશ્વર, ઓમકારેશ્વર મહાદેવ તેમજ બિલેશ્વર ખાતે આવેલા બિલનાથ મહાદેવ, કુછડી ખાતે આવેલા ખીમેશ્વર મહાદેવ અને રાણાવાવની જાંબુવનની ગુફામાં સ્વયંભુ બનેલા શિવલીંગની શ્રઘ્ધાળુઓ દ્વારા પૂજા-અર્ચના અને દર્શન કરવામાં આવશે. આજે શ્રાવણ માસનાં પ્રથમ દિવસે સ્વયંભુ જડેશ્વર મહાદેવ મંદિરે વહેલી સવારથી શિવભકતો પુજા-અર્ચના તેમજ દર્શનાર્થે આવી પહોંચ્યાં હતાં. જડેશ્વર મંદિરે શ્રાવણ માસ નિમીતે દરરોજ અલગ- અલગ દર્શનનો આયોજન કરવામાં આવશે. આ ઉપરાંત સોમવારે વિશેષ દર્શનનું આયોજન કરવામાં આવશે. આજથી શ્રાવણ માસનો પ્રારંભ થતાં શિવભકતોમાં અનેરો ઉત્સાહ અને ઉમંગ જોવા મળી રહયો છે. અને હર હર મહાદેવનાં નાદથી વાતાવરણ પવિત્ર બની ગયું છે.
Trending
- વિશ્વના 10 સૌથી જૂના ક્રિકેટ સ્ટેડિયમ, ભારતનું એક ઐતિહાસિક મેદાન પણ યાદીમાં સામેલ
- NCPએ 38 ઉમેદવારોની યાદી જાહેર કરી, યાદીમાંથી નવાબ મલિકનું નામ ગાયબ
- દિવાળી પર તમારા ઘરને આ 5 રીતે સજાવો, બધા જોતા રહી જશે
- દિલ્હી નહીં, આ શહેર વિશ્વનું સૌથી પ્રદૂષિત શહેર, જ્યાં AQI 394ને પાર છે
- શિવસેના શિંદે જૂથે ઉમેદવારોની યાદી જાહેર કરી, રાજ ઠાકરેના પુત્ર સામે પણ ઉમેદવાર ઉતાર્યા.
- NCP ધારાસભ્ય નવાબ મલિકનું દાઉદ સાથે જોડાણ, મહારાષ્ટ્ર ચૂંટણીમાં ટિકિટ ભાજપને સ્વીકાર્ય નથી
- લોટ, દાળ અને ચોખા મોંઘા થયા! જાણો ભારત બ્રાન્ડની આ ત્રણ પ્રોડક્ટ્સ કેટલી કિંમતમાં મળશે?
- કોણ છે નતાશા પૂનાવાલા? જેના પતિએ કરણ જોહરના ધર્મામાં અડધો હિસ્સો ખરીદ્યો