ગૃહવિભાગ દ્વારા ડ્રગ્સ નાબૂદી માટેનું અભિયાન રીતસરનું છેડી દેવામાં આવ્યું છે. કડકાઈ દાખવતા અમદાવાદમાં કેફી દ્રવ્યોની હેરાફેરી કરનારને પકડી પાડવામાં આવ્યા છે. ત્યારે ફરી એકવાર અમદાવાદમાંથી ગાંજા સાથે 7 શખ્સની ધરપકડ કરવામાં આવી છે. કાલુપુર પાસે પોલીસે 39 કિલો ગાંજા સાથે 7 શખ્સની ધરપકડ કરી હોવાની વિગતો સામે આવી છે. એક બાજુ દરીયાઈ સરહદ પર કરોડોના ડ્રગ્સનો પર્દાફાશ કરવામાં આવી રહ્યો છે. અલગ અલગ એજન્સીઓ, પોલીસ દ્વારા પેડલર અને કેફી દ્રવ્યોની હેરફેરી કરનારને દબોચી લેવામાં આવી રહ્યા છે. ત્યારે વધુ અમદાવાદમાં ગાંજો વેચાય એ પહેલા જ આ શખ્સોની ધરપકડ એસઓજી પોલીસ દ્વારા કરવામાં આવી છે.
મોડી રાત્રે કાપડ માર્કે પાસેથી ધરપકડ કરવામાં આવી હોવાની વિગતો સામે આવી રહી છે. 39 કિલો ગાંજો 3.96 લાખની કિંમતનો પકડાયો હતો. રામદેવનગર ગુલબાઈ ટેકરા પાસે લઈ જવાનો હોવાની આશંકા પણ વ્યક્ત કરવામાં આવી રહી છે. કાલે એલસીબીની ટીમે 400 ગ્રામ એમ.ડી. ડ્રગ્સ સાથે દંપત્તિની ધરપક કરી હતી ત્યારે ફરી આજે આ ગાંજા સાથે 7 શખ્સની ધરપકડ કરવામાં આવી છે. અગાઉ પણ વિવિધ વિસ્તારોની અંદર કેફી દ્રવ્યો સાથે અન્ય શખ્સોની ધરપક કરાઈ છે. આમ અમદાવાદમાં છાસવારે આ પ્રકારે ડ્રગ્સ, ગાંજાની હેરાફેરીની ઘટનાઓ સામે આવતા હેરાફેરી કરનારને પકડી પાડવામાં આવી રહ્યા છે.
