માર્ગ અને મકાન મંત્રી પૂર્ણેશભાઈ મોદીના હસ્તે દેડીયાપાડા, સાગબારા અને ગરૂડેશ્વર તાલુકાઓના અંદાજે રૂ. ૧૫.૮૦ કરોડની રકમના કુલ-૪ મુખ્ય પૂલોના ખાતમુહૂર્ત દરમિયાન મંત્રી પૂર્ણેશ મોદીએ વધુમાં ઉમેર્યું હતું કે, આજે આદિવાસી દિકરી રાષ્ટ્રપતિ જેવા સર્વોચ્ચ હોદ્દાની ઉમેદવારી માટે પસંદગી પામે તે સમગ્ર આદિવાસી સમાજ માટે સન્માન અને ગૌરવની વાત છે. તેના થકી વડાપ્રધાન નરેન્દ્રભાઈ મોદીએ વિશ્વને અનોખો સંદેશો પાઠવ્યો છે. દેડીયાપાડા બાદ બીજા તબક્કામાં ગરૂડેશ્વર તાલુકાના જેતપુર ગામે મુખ્યમંત્રી ગ્રામ સડક યોજના અંતર્ગત મંજૂર થયેલા જેતપુર પીંછીપુરા રોડ પરના રૂ. ૬ કરોડના ખર્ચે નિર્માણ પામનારા પુલનું ખાતમુહૂર્ત અને રૂ. ૧.૩૯ કરોડના ખર્ચે વેલછંડી એપ્રોચ રોડ તથા મીઠીવાવ વાંઝણીતાડ બખ્ખર રોડના રિસર્ફેસિંગના લોકાર્પણ પ્રસંગે પ્રભારી મંત્રી પૂર્ણેશભાઈ મોદીએ જણાવ્યું હતું કે, ગરૂડેશ્વર એ ભારતવર્ષનું ઐતિહાસિક સ્થળ છે. ત્યારે અહીંના વિસ્તારમાં વસતા આદિવાસી અને ગરીબ પરિવારના લોકો પણ પ્રાથમિક સુવિધાથી વંચિત ન રહે તે માટે રાજ્ય સરકાર દ્વારા ચાલી રહેલી ઝુંબેશમાં રસ્તાની પ્રાથમિક સુવિધા ઊભી કરવામાં આવી રહી છે. રસ્તા અને વિજળી એ માનવીની પ્રગતિનું પ્રથમ પગથીયું છે. મુખ્યમંત્રી ભૂપેન્દ્રભાઈ પટેલની સંવેદનશીલ સરકાર દ્વારા ગરીબ લોકો કેવી રીતે સમૃદ્ધ થાય તે દિશામાં વિકાસના કાર્યો કરવામાં આવી રહ્યા છે. ગામેગામ રસ્તાઓ બનતા ટ્રાન્પોર્ટેશનની સુવિધા પણ વધી છે. જેનાથી અંતરિયાળ વિસ્તારના ખેડૂતો પોતાની ખેત પેદાશોને દૂર-સુદૂર સુધીના વિસ્તારોમાં પહોંચાડતા થયા છે તેમ વધુમાં ઉમેર્યું હતું.
Trending
- અહોઈ અષ્ટમીના અવસરે તમારા હાથમાં રાજસ્થાની બંગડીઓ પહેરો, જુઓ ડિઝાઇન
- અહોઈ અષ્ટમી પર વાંચો આ વ્રત કથા, બાળકો રહેશે સુરક્ષિત, જીવન સુખી થશે!
- જર્મનીની ટેક્નોલોજી, ભારતનું લોખંડ, લોકોએ આ સેડાનને ઉત્સાહભેર ખરીદી
- શા માટે મોટાભાગના વિમાનો સફેદ હોય છે અને અન્ય રંગો કેમ નહીં? કદાચ તમને કારણ ખબર નહિ હોય!
- શા માટે આપણે ધનતેરસ પર સોનું, ચાંદી અને નવા વાસણો ખરીદીએ છીએ? શું કરવું, શું ન કરવું તે જાણો!
- દિવાળીનો તહેવાર મઠરી વિના અધૂરો છે, આ સરળ રેસિપીથી ઘરે જ બનાવો
- વિશ્વના 10 સૌથી જૂના ક્રિકેટ સ્ટેડિયમ, ભારતનું એક ઐતિહાસિક મેદાન પણ યાદીમાં સામેલ
- NCPએ 38 ઉમેદવારોની યાદી જાહેર કરી, યાદીમાંથી નવાબ મલિકનું નામ ગાયબ