RBI ગવર્નર : શક્તિકાંત દાસે કહ્યું- મોંઘવારી અર્થવ્યવસ્થા માટે સૌથી મોટી ચિંતા

આર્થિક ગતિવિધિઓમાં ઉછાળો હોવા છતાં, ફુગાવાનો સતત ઊંચો દર અર્થતંત્ર માટે સૌથી મોટી ચિંતાનો વિષય છે. RBI ગવર્નર શક્તિકાંત દાસે જણાવ્યું હતું કે, આ મહિનાની શરૂઆતમાં વધતી જતી ફુગાવાને નિયંત્રણમાં લાવવા માટે રેપો રેટમાં 0.50% વધારો કરવાની તરફેણમાં મતદાન કરવામાં આવ્યું હતું.કેન્દ્રીય બેંક દ્વારા બુધવારે જાહેર કરવામાં આવેલી મોનેટરી પોલિસી કમિટી (MPC)ની બેઠકની વિગતોમાં ગવર્નરે જણાવ્યું હતું કે, રેપો રેટમાં વધારો ભાવ સ્થિરતા માટે આરબીઆઈની પ્રતિબદ્ધતાને મજબૂત કરશે. મધ્યસ્થ બેંક માટે પ્રાથમિક ધ્યેય ફુગાવાને નિયંત્રણમાં રાખવાનો છે. મધ્યમ ગાળામાં ટકાઉ વૃદ્ધિ માટે આ એક પૂર્વશરત છે. દાસની આગેવાની હેઠળની 6 સભ્યોની MPCએ 8 જૂને બીજી વખત રેપો રેટ વધારીને 4.9 ટકા કરવા સંમતિ આપી હતી.રેપો દરમાં ફરી થઈ શકે છે વધારોગવર્નરે કહ્યું કે, ફુગાવાને અસરકારક રીતે કાબૂમાં લેવા માટે પોલિસી રેટમાં વધુ એક વધારાનો સમય યોગ્ય છે. એટલા માટે હું ફરી એકવાર રેપો રેટમાં 0.50 ટકાના વધારાને મત આપીશ. તેનાથી ઊંચા ફુગાવાને કાબૂમાં રાખવામાં મદદ મળશે. આ સાથે, તે પ્રતિકૂળ પુરવઠા સંબંધિત સમસ્યાઓની અસરોને ઘટાડવામાં પણ મદદ કરશે.